Memleket basshysy Qasym-Jomart Toqaevtyń «Halyq únine qulaq asatyn memleket» tujyrymdamasyn júzege asyrý maqsatynda Túrkistan oblysynyń barlyq aýdandarynda halyqtyq keńseler ashyp, turǵyndarǵa kedergisiz qyzmet kórsý kózdelgen. Saryaǵash aýdanynda «Halyqtyq keńse» ashylýy da osy baǵytta atqarylǵan jumystardyń biri, dep habarlaıdy Egemen.kz
Sybaılas jemqorlyqqa qarsy is-qımyl agenttigi Túrkistan oblysy boıynsha departamenti basshysynyń birinshi orynbasary Mıras Qarǵabaı men aýdan ákimi Muhıt Otarshıevtiń qatysýymen ashylǵan «Halyqtyq keńsede» turǵyndarǵa qoljetimdi, ashyq jáne jedel qyzmet kórsetetin 7 derbes bólim bar.
Atap aıtsaq, bilim, jer qatynastary, aýylsharýashylyq, turǵyn-úı kommýnaldyq sharýashylyǵy, ekonomıka jáne qarjy, sáýlet jáne qala qurylysy, jumyspen qamtý jáne áleýmettik baǵdarlamalar bólimderi boıynsha 90 memlekettik qyzmet túri kórsetilip, turǵyndardyń kedergisiz qyzmet alýyna jaǵdaı jasalǵan.
Sondaı-aq elektrondyq sıfrlyq qoltańba (ESQ) alýǵa, járdemaqy taǵaıyndaýǵa ótinish, turǵyn úı kezegine tirkelý, jer, úı qujattaryn zańdastyrýǵa kómek beretin qolaıly qyzmetter qarastyrylǵan.
Aýdan ákimi Muhıt Otarshıev ashylý rásiminde «Halyqtyq keńse» aldaǵy ýaqytta memlekettik qyzmet kórsetetin mekemelerdi bir jerde shoǵyrlandyryp qana qoımaı, jergilikti atqarýshy organdardyń turǵyndarmen ashyqtyq qaǵıdatyna negizdele otyryp jumys isteýine yqpal etetinin atap ótti.