Senatorlardyń Atyraý oblysyna jumys sapary aıasynda Parlament Senaty Tóraǵasynyń orynbasary Qaırat Ishanov pen palatanyń Ekonomıkalyq damý jáne kásipkerlik komıtetiniń hatshysy Sársenbaı Eńsegenov Mahambet aýdanynda boldy, dep habarlady Senattyń baspasóz qyzmeti.
Senatorlardyń Atyraý oblysyna jumys sapary aıasynda Parlament Senaty Tóraǵasynyń orynbasary Qaırat Ishanov pen palatanyń Ekonomıkalyq damý jáne kásipkerlik komıtetiniń hatshysy Sársenbaı Eńsegenov Mahambet aýdanynda boldy, dep habarlady Senattyń baspasóz qyzmeti.
Aýdan halqymen kezdesý barysynda memlekettik baǵdarlamalardy iske asyrý, ınfraqurylymdardy damytý, áleýmettik sala nysandarynyń qurylysy máseleleri talqylandy. Senatorlar aýdan ekonomıkasynyń ornyqty damyp kele jatqany týraly habardar etildi. О́ndiristik 4 kooperatıv, 600-ge jýyq sharýa qojalyqtary tirkelgen bolatyn. Jyl basynan beri óndirilgen aýyl sharýashylyǵy ónimderiniń jalpy kólemi 2,7 mıllıard teńgeni qurady.
Bıyl memlekettik baǵdarlama aıasynda 660 jańa jumys oryndary ashyldy, olardyń ishinde 178-i turaqty sıpatqa ıe. Turǵyndardyń «Jumyspen qamtý - 2020» baǵdarlamasyna qatysýyna suranys arta tústi. Baǵdarlama iske qosylǵan úsh jylda 72 joba qarjylandyryldy.
* * *
Parlament Senaty Konstıtýsııalyq zańnama, sot júıesi jáne quqyq qorǵaý organdary komıtetiniń tóraǵasy Serik Aqylbaı jáne osy komıtettiń múshesi Iýrıı Kýbaıchýk Qaraǵandy oblysyndaǵy quqyq qorǵaý organdarynyń basshylary jáne qyzmetkerlerimen kezdesti.
Kezdesýge «Nur Otan» partııasynyń, oblystyq sottyń, oblystaǵy jetekshi oqý oryndarynyń: IIM Akademııasynyń, E.A.Bóketov atyndaǵy Qaraǵandy memlekettik ýnıversıtetiniń jáne «Bolashaq» ýnıversıtetiniń ókilderi qatysty.
Júzdesý barysynda jańa Qylmystyq, Qylmystyq-is júrgizý jáne Qylmystyq-atqarý kodeksteri jobalarynyń erejeleri talqylandy. Quqyq qorǵaý organdarynyń qyzmetkerleri men ǵalymdar Qylmystyq kodekstiń jekelegen erejelerine usynystar aıtty.
* * *
Parlament Májilisiniń depýtattary Ersultan Bekturǵanov pen Janat Jarasov Jambyl oblysynda saılaýshylarmen kezdesýler ótkizdi, dep habarlady osy palatanyń baspasóz qyzmeti.
Depýtattar «Nur Otan» partııasy Merki aýdandyq fılıalynda azamattardy jeke ótinishteri boıynsha qabyldady. Qoǵamdyq qabyldaý jumysyna depýtattarmen qatar, «Nur Otan» partııasy Jambyl oblystyq fılıaly tóraǵasynyń birinshi orynbasary M.Berik qatysty.
Qabyldaý barysynda 5 azamattyń ótinishteri qaraldy. Qabyldaýǵa kelgen azamattar aýdandaǵy ózekti máselelerdi kóterip, osy máseleler boıynsha jaýapty mekemelerge tapsyrmalar berildi.