Qurlyqtyq hokkeı lıgasyndaǵy (QHL) kezekti týr oıynyn Nur-Sultannyń «Barysy» syrt alańda Ombynyń «Avangard» klýbymen ótkizdi.
Turaqty birinshiliktiń jarys kestesinde tórtinshi orynda turǵan Bob Hartlıdiń shákirtterine qarsy kezdesýde «Barys» baryn saldy. Báseke bastalǵan bette Roman Starchenko esep ashsa, 8-mınýtta Kırıll Semenov tarazy basyn teńestirdi. Bul goldardyń ekeýi de komandalardyń bir oıynshysy artyq kezde soǵyldy. Ekinshi kezeńde alma-kezek shabýyldar jalǵasty. Tek úziliske sanaýly sekýndtar ǵana qalǵanda taǵy san basymdyǵyn utymdy paıdalanǵan Iаkob Lılıa qonaqtardy alǵa shyǵardy. Úshinshi kezeń de dál sol ssenarıı boıynsha órbidi. Eki komandada da jaqsy múmkindikter bolǵanymen, uzaqqa deıin tablodaǵy esep ózgergen joq. Desek te sheshýshi tusta shıraq qımyldaǵan qazaqstandyq hokkeıshiler taǵy bir shaıbany qaqpaǵa engizip, básekeniń sońǵy núktesin koıdy. Bul goldyń avtory – Fılıp Varone. Esep – 3:1. Sóıtip «Barys» keıingi 9 oıynynyń 8-inde jeńiske jetti.
Osylaısha, qatarynan tórtinshi kezdesýde jeńiske jetken «Barys» jarys kestesindegi jaǵdaıyn biraz jaqsartyp, óz kórermenderin qýantty. Qazir olar turaqty birinshilikte 15-orynda keledi. Qorjynymyzda 41 upaı bar. Endi jerlesterimiz 26 jeltoqsanda Habarovskiniń «Amýryn» qabyldaıdy.