Qorǵanys mınıstrliginiń Sport komıteti – Ortalyq sport klýbynyń merzimdi qyzmet áskerı qyzmetshisi qatardaǵy jaýynger Temirlan Tólegenov FIS jarystarynyń kúntizbesine kiretin shańǵy jarysynan Qazaqstan Kýbogynda kúmis medaldy jeńip aldy, dep habarlaıdy Egemen.kz.
Jarys Shýchınsk qalasynyń Ulttyq shańǵy sporty ortalyǵynda ótti. Júldeli oryn úshin Qazaqstannyń 11 óńirinen kelgen sportshylar, sondaı-aq shetelden, onyń ishinde Belarýssııa men Reseıden kelgen shańǵyshylar baq synasty.
Týrnır barysynda 15 kılometrge erkin stıldegi jeke jarysta armııalyq sportshy qatardaǵy jaýynger Temirlan Tólegenov ekinshi oryn alyp, 2021 jyly Fınlıandııada jasóspirimder arasynda ótetin álem chempıonatyna qatysýǵa irikteýden ótti.