Osy bir ózekti másele Aqtóbe oblysynyń prokýratýrasy QR Ishki ister mınıstrligi Aqtóbe zań ınstıtýtymen birlesip ótkizgen «Jergilikti basqarý organdarynyń, quqyq qorǵaý organdarynyń dinı ekstremızm men terrorızmniń aldyn alý jáne jol bermeý boıynsha qyzmetin jetildirý» taqyrybyndaǵy óńirlik ǵylymı-praktıkalyq konferensııada keńinen áńgime boldy. Konferensııaǵa oblys ákiminiń orynbasary Sara Nurqatova, jergilikti atqarý, quqyq qorǵaý, sot jáne arnaıy qyzmet organdarynyń basshylary, qyzmetkerleri, joǵary oqý oryndarynan, kolledjderden jastar, úkimettik emes uıymdardyń, jastar uıymdarynyń ókilderi qatysty.
Osy bir ózekti másele Aqtóbe oblysynyń prokýratýrasy QR Ishki ister mınıstrligi Aqtóbe zań ınstıtýtymen birlesip ótkizgen «Jergilikti basqarý organdarynyń, quqyq qorǵaý organdarynyń dinı ekstremızm men terrorızmniń aldyn alý jáne jol bermeý boıynsha qyzmetin jetildirý» taqyrybyndaǵy óńirlik ǵylymı-praktıkalyq konferensııada keńinen áńgime boldy. Konferensııaǵa oblys ákiminiń orynbasary Sara Nurqatova, jergilikti atqarý, quqyq qorǵaý, sot jáne arnaıy qyzmet organdarynyń basshylary, qyzmetkerleri, joǵary oqý oryndarynan, kolledjderden jastar, úkimettik emes uıymdardyń, jastar uıymdarynyń ókilderi qatysty.
Oblys prokýrory Nurǵalym Ábdirov sońǵy jyldar ishinde jastar dinniń atyn jamylǵan dástúrli emes aǵymdardyń, radıkaldy toptardyń jeteginde ketip jatqanyn mysalǵa keltirdi. Teris pıǵyldy toptardyń jumysyna tosqaýyl qoıý úshin jergilikti jerlerde turǵyndarmen, shetelge oqýǵa barýǵa talpynǵan jastarmen kezdesýler, túsinik jumystaryn júrgizý kerektigine toqtaldy. Elbasynyń «Qazaqstan-2050» Strategııasynda basymdyq berilgen mindetter qatarynda radıkalızm, ekstremızm jáne terrorızmniń barlyq qubylystary men túrlerine qarsy áreket etý týraly aıtylǵanyn tilge tıek ete kelip, qazir dinı ekstremızm men terrorızmniń qaýpi álem elderiniń ulttyq qaýipsizdigin nyǵaıtýdy alǵa tartyp otyrǵanyn jetkizdi.
Konferensııa sońynda jaqyn-jýyqtary teris aǵymdardyń sońynda ketip, abaqtyǵa jabylǵan ártúrli taǵdyrlar týraly derekti fılmder kórsetildi. Osyndaı fılmderdi jastarǵa oı salý úshin telearnalar arqyly jıirek kórsetý týraly pikirler aıtyldy.
Satybaldy SÁÝIRBAI,
«Egemen Qazaqstan».
Aqtóbe oblysy.