Almatynyń Túrksib aýdanynda dúkenge qaraqshylyq shabýyl jasaldy, dep habarlaıdy Polisia.kz.
Shabýyl týraly habar "102" nómirine 27 jeltoqsanǵa qaraǵan túni tústi. Patrýldik jasaq birden kórsetilgen mekenjaıǵa barǵan. Polıseılerdi dúkende 72 jastaǵy áıel qarsy aldy.
Jábirlenýshiniń aıtýynsha, dúkenge medısınalyq betperde taqqan tórt adam basa-kóktep kirip kelgen. Qaskóıler zeınetkerdi tapanshamen qorqytqan, aspanǵa bir ret oq atyp, aqsha talap etken.
Osydan keıin qaraqshylar qosalqy úı-jaıda taǵy birneshe satýshy júrgenin kórip, qashyp ketti.
Býran-288 patrýldik polısııasynyń ekıpajy eki kúdiktini izin sýytpaı ustady. Olar jıyrma jasta, qazir ýaqytsha qamaý ızolıatorynda otyr.
Túrksib aýdany polısııa basqarmasynyń basshysy Erkin Amantaevtyń aıtýynsha, tintý barysynda fıgýranttardyń birinen pnevmatıkalyq tapansha tabyldy.
Qalǵan eki kúdiktiniń kim ekeni anyqtalyp jatyr. Atalǵan derek Qylmystyq kodekstiń 192-baby 2-tarmaǵy boıynsha sotqa deıingi tergeýdiń biryńǵaı reestrine tirkeldi.
Kúdiktiler múlki tárkilenip, bes jyldan on jylǵa deıin bas bostandyǵynan aıyrylýy múmkin.