Qazaqstan Respýblıkasynyń Zańy № 151-V

Qazaqstan Respýblıkasynyń keıbir zańnamalyq aktilerine Astanada EKSPO-2017 halyqaralyq mamandandyrylǵan kórmesin uıymdastyrý jáne ótkizý máseleleri boıynsha ózgerister men tolyqtyrýlar engizý týraly

 

Qazaqstan Respýblıkasynyń keıbir zańnamalyq aktilerine Astanada EKSPO-2017 halyqaralyq mamandandyrylǵan kórmesin uıymdastyrý jáne ótkizý máseleleri boıynsha ózgerister men tolyqtyrýlar engizý týraly

1-bap. Qazaqstan Respýblıkasynyń myna zańnamalyq aktilerine ózgerister men tolyqtyrýlar engizilsin:

1. 2008 jylǵy 4 jeltoqsandaǵy Qazaqstan Respýb­lıkasynyń Bıýdjet kodeksine (Qazaqstan Respýblıkasy Parlamentiniń Jarshysy, 2008 j., № 21, 93-qujat; 2009 j., № 23, 112-qujat; № 24, 129-qujat; 2010 j., № 5, 23-qujat; № 7, 29, 32-qujattar; № 15, 71-qujat; № 24, 146, 149, 150-qujattar; 2011 j., № 2, 21, 25-qujattar; № 4, 37-qujat; № 6, 50-qujat; № 7, 54-qujat; № 11, 102-qujat; № 13, 115-qujat; № 15, 125-qujat; № 16, 129-qujat; № 20, 151-qujat; № 24, 196-qujat; 2012 j., № 1, 5-qujat; № 2, 16-qujat; № 3, 21-qujat; № 4, 30, 32-qujattar; № 5, 36, 41-qujattar; № 8, 64-qujat; № 13, 91-qujat; № 14, 94-qujat; № 18-19, 119-qujat; № 23-24, 125-qujat; 2013 j., № 2, 13-qujat; № 5-6, 30-qujat; № 8, 50-qujat; № 9, 51-qujat; № 10-11, 56-qujat; № 13, 63-qujat; № 14, 72-qujat; № 15, 81, 82-qujattar; № 16, 83-qujat):

39-1-baptyń 1 jáne 4-tarmaqtary mynadaı redaksııa­da jazylsyn:

«1. Derbes bilim berý uıymdarynyń qyzmetine jáne (nemese) qordyń uıymdyq-quqyqtyq nysanynda qurylatyn kommersııalyq emes uıymǵa tek qana derbes bilim berý uıymdary men olardyń uıymdarynyń nemese Qazaqstan Respýblıkasynyń aýmaǵynda halyqaralyq mamandandyrylǵan kórmeni uıymdastyrý jáne ótkizý jónindegi qyzmetti júzege asyratyn uıymdardyń qyzmetin qarjylandyrýdy qamtamasyz etý úshin bıýdjetten tólenetin óteýsiz jáne qaıtarymsyz tólemder nysanaly salym bolyp tabylady.»;

«4. Derbes bilim berý uıymdarynyń, sondaı-aq Qazaqstan Respýblıkasynyń aýmaǵynda halyqaralyq mamandandyrylǵan kórmeni uıymdastyrý jáne ótkizý jónindegi qyzmetti júzege asyratyn uıymdardyń qyzmetine nysanaly salym nátıjeliliginiń kórsetkishteri bıýdjettik baǵdarlamalardyń tıisti ákimshileriniń strategııalyq josparlarynda nemese bıýdjettik baǵdarlamalarynda aıqyndalady.

Derbes bilim berý uıymdary, sondaı-aq Qazaqstan Respýblıkasynyń aýmaǵynda halyqaralyq mamandan­dyrylǵan kórmeni uıymdastyrý jáne ótkizý jónindegi qyzmetti júzege asyratyn uıymdar bıýdjettik baǵdar­lamalardyń tıisti ákimshileriniń strategııalyq jos­parlarynda nemese bıýdjettik baǵdarlamalarynda aıqyndalǵan, ózderiniń qyzmetine nysanaly salym nátıjeliliginiń kórsetkishterine qol jetkizý úshin jaýapty bolady.».

2. 2008 jylǵy 10 jeltoqsandaǵy «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksine (Salyq kodeksi) (Qazaqstan Respýblıkasy Parlamentiniń Jarshysy, 2008 j., № 22-I, 22-II, 112-qujat; 2009 j., № 2-3, 16, 18-qujattar; № 13-14, 63-qujat; № 15-16, 74-qujat; № 17, 82-qujat; № 18, 84-qujat; № 23, 100-qujat; № 24, 134-qujat; 2010 j., № 1-2, 5-qujat; № 5, 23-qujat; № 7, 28, 29-qujattar; № 11, 58-qujat; № 15, 71-qujat; № 17-18, 112-qujat; № 22, 130, 132-qujattar; № 24, 145, 146, 149-qujattar; 2011 j., № 1, 2, 3-qujattar; № 2, 21, 25-qujattar; № 4, 37-qujat; № 6, 50-qujat; № 11, 102-qujat; № 12, 111-qujat; № 13, 116-qujat; № 14, 117-qujat; № 15, 120-qujat; № 16, 128-qujat; № 20, 151-qujat; № 21, 161-qujat; № 24, 196-qujat; 2012 j., № 1, 5-qujat; № 2, 11, 15-qujattar; № 3, 21, 22, 25, 27-qujattar; № 4, 32-qujat; № 5, 35-qujat; № 6, 43, 44-qujattar; № 8, 64-qujat; № 10, 77-qujat; № 11, 80-qujat; № 13, 91-qujat; № 14, 92-qujat; № 15, 97-qujat; № 20, 121-qujat; № 21-22, 124-qujat; № 23-24, 125-qujat; 2013 j., № 1, 3-qujat; № 2, 7, 10-qujattar; № 3, 15-qujat; № 4, 21-qujat; № 8, 50-qujat; № 9, 51-qujat; № 10-11, 56-qujat; № 12, 57-qujat; № 14, 72-qujat; № 15, 76, 81, 82-qujattar; № 16, 83-qujat):

1) mazmuny mynadaı mazmundaǵy 135-3-baptyń taqyrybymen tolyqtyrylsyn:

«135-3-bap. Qazaqstan Respýblıkasynyń aýmaǵynda halyqaralyq mamandandyrylǵan kórmeni uıymdastyrý jáne ótkizý jónindegi qyzmetti júzege asyratyn uıymǵa salyq salý»;

2) 58-bap mynadaı mazmundaǵy 5-2-tarmaqpen tolyqtyrylsyn:

«5-2. Qazaqstan Respýblıkasynyń aýmaǵynda halyq­aralyq mamandandyrylǵan kórmeni uıymdastyrý jáne ótkizý jónindegi qyzmetti júzege asyratyn uıym osy Kodekstiń 135-3-babynyń 1-tarmaǵynda kórsetilgen tıisti qyzmet túrleri jáne ózge de qyzmet boıynsha salyq mindettemelerin esepteý maqsatynda salyq salý obektileriniń jáne (nemese) salyq salýǵa baılanysty obektilerdiń bólek salyqtyq esepke alynýyn júrgizýge mindetti.»;

3) 12-taraý mynadaı mazmundaǵy 135-3-bappen tolyqtyrylsyn:

«135-3-bap. Qazaqstan Respýblıkasynyń aýmaǵynda halyqaralyq mamandandyrylǵan kórmeni uıymdas­tyrý jáne ótkizý jónindegi qyzmetti júzege asyratyn uıymǵa salyq salý

1. Osy Kodekstiń maqsattary úshin:

jarǵylyq kapıtalyna memleket júz paıyz qaty­satyn, Qazaqstan Respýblıkasy Úkimetiniń sheshimi boıynsha qurylǵan jáne Qazaqstan Respýblıkasynyń saýda qyzmetin retteý týraly zańnamasyna sáıkes Qazaqstan Respýblıkasynyń aýmaǵynda halyqaralyq mamandandyrylǵan kórmeni uıymdastyrý jáne ótkizý jónindegi qyzmetti júzege asyratyn zańdy tulǵa;

Qazaqstan Respýblıkasynyń aýmaǵyndaǵy halyq­aralyq mamandandyrylǵan kórme obektilerin jobalaý jáne (nemese) salý jónindegi qyzmetti júzege asyratyn jáne Qazaqstan Respýblıkasynyń Úkimeti bekitken Qazaqstan Respýblıkasynyń aýmaǵyndaǵy halyqaralyq mamandandyrylǵan kórme obektilerin jobalaý jáne (nemese) salý jónindegi qyzmetti júzege asyratyn uıymdardyń tizbesine engizilgen zańdy tulǵa Qazaqstan Respýblıkasynyń aýmaǵynda halyqaralyq mamandandyrylǵan kórmeni uıymdastyrý jáne ótkizý jónindegi qyzmetti júzege asyratyn uıym bolyp tanylady.

2. Qazaqstan Respýblıkasynyń aýmaǵynda halyqaralyq mamandandyrylǵan kórmeni uıymdastyrý jáne ótkizý jónindegi qyzmetti júzege asyratyn uıym osy baptyń 1-tarmaǵynda kózdelgen tıisti qyzmet túrlerin júzege asyrýdan túsetin tabystar boıynsha osy Kodekstiń 139-babyna sáıkes eseptelgen korporatıvtik tabys salyǵyn 100 paıyzǵa azaıtady.

Qazaqstan Respýblıkasy Úkimetiniń sheshimi boıynsha qurylǵan zańdy tulǵa ázirlegen jáne halyqaralyq mamandandyrylǵan kórmeni ótkizý týraly halyqaralyq shart erejeleriniń oryndalýyn baqylaý úshin qurylǵan halyqaralyq úkimetaralyq uıym bekitken tirkeý dereknamasynda kórsetilgen Qazaqstan Respýblıkasynyń aýmaǵynda halyqaralyq mamandandyrylǵan kórmeniń aıaqtalatyn kúni týra keletin salyq kezeńinen keıingi salyq kezeńderine osy tarmaqtyń erejeleri qoldanylmaıdy.

3. Qazaqstan Respýblıkasynyń aýmaǵynda halyqaralyq mamandandyrylǵan kórmeni uıymdastyrý jáne ótkizý jónindegi qyzmetti júzege asyratyn uıymnyń osy baptyń 1-tarmaǵynda kórsetilmegen qyzmetti júzege asyrýdan túsetin tabystary jalpyǵa birdeı belgilengen tártippen korporatıvtik tabys salyǵy salynýǵa jatady.

4. Qazaqstan Respýblıkasynyń aýmaǵynda halyqaralyq mamandandyrylǵan kórmeni uıymdastyrý jáne ótkizý jónindegi qyzmetti júzege asyratyn uıym osy baptyń 1-tarmaǵynda kórsetilgen tıisti qyzmet túrleri jáne ózge de qyzmet boıynsha salyq mindettemelerin esepteý maqsatynda salyq salý obektileriniń jáne (nemese) salyq salýǵa baılanysty obektilerdiń bólek salyqtyq esepke alynýyn júrgizedi. Bólek salyqtyq esepke alý esepti salyq kezeńinde alynǵan (alynýǵa jatatyn) tabystardyń jalpy somasynda osy baptyń 1-tarmaǵynda kórsetilgen tıisti qyzmet túrlerin nemese ózge de qyzmetti júzege asyrýdan alynǵan (alynýǵa jatatyn) tabystardyń úles salmaǵy boıynsha jalpy shyǵystardy bólý úshin de qoldanylady.

5. Qazaqstan Respýblıkasynyń aýmaǵynda halyqaralyq mamandandyrylǵan kórmeni uıymdastyrý jáne ótkizý jónindegi qyzmetti júzege asyratyn uıym osy Kodekstiń arnaıy ekonomıkalyq aımaqtardyń aýmaqtarynda qyzmetti júzege asyratyn uıymdar úshin belgilengen erejelerin qoldanýǵa quqyly emes.»;

4) 150-baptyń 3-tarmaǵy mynadaı mazmundaǵy ekinshi bólikpen tolyqtyrylsyn:

«Arnaıy ekonomıkalyq aımaqtardyń aýmaqtarynda qyzmetti júzege asyratyn uıymdar osy Kodekstiń Qazaqstan Respýblıkasynyń aýmaǵynda halyqaralyq mamandandyrylǵan kórmeni uıymdastyrý jáne ótkizý jónindegi qyzmetti júzege asyratyn uıym úshin belgilengen erejelerin qoldanýǵa quqyly emes.»;

5) 387-bap mynadaı mazmundaǵy 3-3-tarmaqpen tolyqtyrylsyn:

«3-3. Osy Kodekstiń 135-3-babynyń 1-tarmaǵy ekinshi abzasynyń talaptaryna saı keletin zańdy tulǵa halyqaralyq mamandandyrylǵan kórme obektilerine bólingen jáne halyqaralyq mamandandyrylǵan kórmeniń aýmaǵynda ornalasqan jer ýchaskeleri boıynsha jer salyǵyn eseptegen kezde jer salyǵynyń tıisti mólsherlemelerine 0 koeffısıentin qoldanady.

Osy tarmaqtyń birinshi bóliginiń erejeleri jer ýchaskesi nemese onyń bir bóligi (onda ornalasqan úılermen, ǵımarattarmen, qurylystarmen birge ne olarsyz) jalǵa, ózge de negizderde paıdalanýǵa tapsyrylǵan jaǵdaılarda qoldanylmaıdy.

Osy tarmaqtyń erejeleri Qazaqstan Respýblıkasynyń aýmaǵynda halyqaralyq mamandandyrylǵan kórmeni ótkizý aıaqtalǵan salyq kezeńinen keıingi salyq kezeńderine qoldanylmaıdy.»;

6) 398-bapta:

1-tarmaq mynadaı redaksııada jazylsyn:

«1. Eger osy Kodekste ózgeshe kózdelmese, zańdy tulǵa­lar múlik salyǵyn salyq bazasyna 1,5 paıyz mólsherleme boıynsha esepteıdi.»;

mynadaı mazmundaǵy 8-tarmaqpen tolyqtyrylsyn:

«8. Osy Kodekstiń 135-3-babynyń 1-tarmaǵy ekinshi abzasynyń talaptaryna saı keletin zańdy tulǵa halyq­aralyq mamandandyrylǵan kórme aýmaǵynda ornalasqan halyqaralyq mamandandyrylǵan kórme obektileri boıynsha múlik salyǵyn salyq bazasyna 0,1 paıyz mólsherleme boıynsha esepteıdi.

Osy tarmaqtyń birinshi bóliginińerejeleri salyq salý obektileri paıdalanýǵa, senimgerlikpen basqarýǵa nemese jalǵa berilgen jaǵdaılarda qoldanylmaıdy.

Osy tarmaqtyń erejeleri Qazaqstan Respýblıkasynyń aýmaǵynda halyqaralyq mamandandyrylǵan kórmeni ótkizý aıaqtalǵan salyq kezeńinen keıingi salyq kezeńderine qoldanylmaıdy.»;

7) 428-baptyń 3-tarmaǵy birinshi bóliginiń 8) tarmaq­shasyndaǵy «zańdy tulǵalardyń qoldanýǵa quqyǵy joq.» degen sózder «zańdy tulǵalardyń;» degen sózdermen aýystyrylyp, mynadaı mazmundaǵy 9) tarmaqshamen tolyqtyrylsyn:

«9) Qazaqstan Respýblıkasynyń aýmaǵynda halyqaralyq mamandandyrylǵan kórmeni uıymdastyrý jáne ótkizý jónindegi qyzmetti júzege asyratyn uıymdardyń qoldanýǵa quqyǵy joq.».

3. «Halyqty jumyspen qamtý týraly» 2001 jylǵy 23 qańtardaǵy Qazaqstan Respýblıkasynyń Zańyna (Qazaqstan Respýblıkasy Parlamentiniń Jarshysy, 2001 j., № 3, 18-qujat; 2004 j., № 2, 10-qujat; 2005 j., № 7-8, 19-qujat; № 17-18, 76-qujat; 2006 j., № 3, 22-qujat; № 10, 52-qujat; 2007 j., № 2, 14, 18-qujattar; № 3, 20-qujat; № 8, 52-qujat; № 9, 67-qujat; № 15, 106-qujat; № 20, 152-qujat; 2009 j., № 1, 4-qujat; № 9-10, 50-qujat; № 18, 84-qujat; 2010 j., № 5, 23-qujat; № 8, 41-qujat; № 24, 149-qujat; 2011 j., № 1, 2-qujat; № 2, 21-qujat; № 10, 86-qujat; № 11, 102-qujat; № 12, 111-qujat; № 16, 128-qujat; 2012 j., № 2, 11, 14-qujattar; № 5, 35-qujat; № 8, 64-qujat; № 13, 91-qujat; № 15, 97-qujat; № 20, 121-qujat; 2013 j., № 1, 3-qujat; № 9, 51-qujat; № 10-11, 56-qujat; № 14, 72, 75-qujattar):

11-baptyń 1-tarmaǵy ekinshi bóliginiń altynshy abza­syndaǵy «jumys isteıtin sheteldikter men azamattyǵy joq adamdarǵa qoldanylmaıdy.» degen sózder «jumys isteıtin;» degen sózdermen aýystyrylyp, mynadaı mazmundaǵy jetinshi jáne segizinshi abzastarmen tolyqtyrylsyn:

«Qazaqstan Respýblıkasynyń aýmaǵynda halyqaralyq mamandandyrylǵan kórmeni uıymdastyrý jáne ótkizý jónindegi qyzmetti júzege asyratyn uıymdarda jumys isteıtin;

Qazaqstan Respýblıkasynyń aýmaǵyndaǵy halyq­aralyq mamandandyrylǵan kórmege qatysýshylar nemese qatysýshylardyń qyzmetkerleri bolyp tabylatyn sheteldikter men azamattyǵy joq adamdarǵa qoldanylmaıdy.».

4. «Qazaqstan Respýblıkasyndaǵy sáýlet, qala qurylysy jáne qurylys qyzmeti týraly» 2001 jylǵy 16 shildedegi Qazaqstan Respýblıkasynyń Zańyna (Qazaqstan Respýblıkasy Parlamentiniń Jarshysy, 2001 j., № 17-18, 243-qujat; 2004 j., № 23, 142-qujat; 2005 j., № 6, 10-qujat; № 7-8, 19-qujat; 2006 j., № 1, 5-qujat; № 3, 22-qujat; № 15, 95-qujat; № 23, 144-qujat; № 24, 148-qujat; 2007 j., № 1, 4-qujat; № 2, 18-qujat; № 16, 129-qujat; 2008 j., № 21, 97-qujat; № 24, 129-qujat; 2009 j., № 15-16, 76-qujat; № 18, 84-qujat; 2010 j., № 5, 23-qujat; 2011 j., № 1, 2-qujat; № 6, 50-qujat; № 11, 102-qujat; № 12, 111-qujat; 2012 j., № 3, 21, 27-qujattar; № 4, 32-qujat; № 8, 64-qujat; № 14, 92, 95-qujattar; № 15, 97-qujat; 2013 j., № 9, 51-qujat; № 13, 63-qujat; № 14, 72, 75-qujattar):

1) 1-bap mynadaı mazmundaǵy 9-1) tarmaqshamen tolyqtyrylsyn:

«9-1) jergilikti saraptamalyq qorytyndy – sarap­­ta­many aıaqtaıtyn kezeńdi qospaǵanda, jobalar saraptamasynyń jobanyń tıisti bólimderi (bólikteri) boıynsha saraptamalyq qoldaýdyń árbir kezeńinde resimdeletin jáne tapsyrys berýshige beriletin qorytyndysy;»;

2) 27-1-bap mynadaı mazmundaǵy ekinshi bólikpen tolyqtyrylsyn:

«Qazaqstan Respýblıkasynyń aýmaǵynda halyqaralyq mamandandyrylǵan kórme obektilerin jobalaý, salý, rekonstrýksııalaý, tehnıkalyq qaıta jaraqtandyrýdy, keńeıtýdi, kúrdeli jóndeýdi júrgizý jáne paıdalaný kezinde shet memleketterdiń, halyqaralyq jáne óńirlik uıymdardyń qurylys normalary men qaǵıdalaryn, sondaı-aq standarttaryn qoldanýǵa jol beriledi. Qazaqstan Respýblıkasynyń aýmaǵynda halyqaralyq mamandandyrylǵan kórme obektilerin salý kezinde shet memleketterdiń, halyqaralyq jáne óńirlik uıymdardyń qurylys normalary men qaǵıdalarynyń, sondaı-aq standarttarynyń talaptaryna sáıkes keletin qurylys materıaldary men konstrýksııalaryn qoldanýǵa jol beriledi.»;

3) 60-bapta:

1-tarmaq mynadaı mazmundaǵy úshinshi bólikpen tolyqtyrylsyn:

«Qazaqstan Respýblıkasynyń aýmaǵyndaǵy halyq­aralyq mamandandyrylǵan kórme obektileri boıynsha jobalaý aldyndaǵy jáne jobalaý (jobalaý-smetalyq) qujattamasyn bir mezgilde ázirleýge jol beriledi.»;

9-tarmaqtyń birinshi bóligi mynadaı redaksııada jazylsyn:

«9. Qazaqstan Respýblıkasynyń aýmaǵyndaǵy halyqaralyq mamandandyrylǵan kórme obektileri boıynsha jobalaý aldyndaǵy jáne (nemese) jobalaý (jobalaý-smetalyq) qujattamasyn qospaǵanda, Qazaqstan Respýblıkasynyń aýmaǵyndaǵy jerlerdi jáne (nemese) qurylysty ıgerý úshin sheteldik zańdy tulǵalar nemese jekelegen mamandar oryndaǵan jobalaý aldyndaǵy jáne (nemese) jobalaý (jobalaý-smetalyq) qujattamasy, eger Qazaqstan Respýblıkasy ratıfıkasııalaǵan halyqaralyq shartta ózgeshe kózdelmese, osy Zańda, memlekettik normatıvterde jáne jobalaýǵa berilgen tapsyrmada belgilengen jobalaý aldyndaǵy jáne jobalaý jumystarynyń talaptarymen jáne satylary boıynsha, jobalaý (jobalaý-smetalyq) qujattamasynyń quramy men kóleminde ázirlenýge tıis.»;

4) 62-baptyń 2-tarmaǵynda:

3) tarmaqshadaǵy «tapsyrmasyna sáıkes ázirlenedi.» degen sózder «tapsyrmasyna sáıkes;» degen sózdermen aýystyrylyp, mynadaı mazmundaǵy 4) tarmaqshamen tolyqtyrylsyn:

«4) Qazaqstan Respýblıkasy Úkimetiniń sheshimi boıynsha qurylǵan jáne Qazaqstan Respýblıkasynyń aýmaǵynda halyqaralyq mamandandyrylǵan kórmeni uıymdastyrý jáne ótkizý jónindegi qyzmetti júzege asyratyn zańdy tulǵa bergen sáýlet-josparlaý tapsyrmasyna sáıkes Qazaqstan Respýblıkasynyń aýmaǵyndaǵy halyqaralyq mamandandyrylǵan kórme obektileri boıynsha ázirlenedi.»;

mynadaı mazmundaǵy ekinshi bólikpen tolyqtyrylsyn:

«Qazaqstan Respýblıkasynyń aýmaǵyndaǵy halyq­aralyq mamandandyrylǵan kórme obektileri boıynsha sáýlet jobasyn jáne jobalaý aldyndaǵy qujattamany bir mezgilde ázirleýge jol beriledi.»;

5) 63-baptyń 3-tarmaǵynda:

birinshi bóliktiń 3) tarmaqshasyndaǵy «tapsyrmasyna sáıkes ázirlenedi.» degen sózder «tapsyrmasyna sáıkes;» degen sózdermen aýystyrylyp, mynadaı mazmundaǵy 4) tarmaqshamen tolyqtyrylsyn:

«4) Qazaqstan Respýblıkasy Úkimetiniń sheshimi boıynsha qurylǵan jáne Qazaqstan Respýblıkasynyń aýmaǵynda halyqaralyq mamandandyrylǵan kórmeni uıymdastyrý jáne ótkizý jónindegi qyzmetti júzege asyratyn zańdy tulǵa bergen sáýlet-josparlaý tapsyrmasyna sáıkes Qazaqstan Respýblıkasynyń aýmaǵyndaǵy halyqaralyq mamandandyrylǵan kórme obektileri boıynsha ázirlenedi.»;

mynadaı mazmundaǵy ekinshi bólikpen tolyqtyrylsyn:

«Qazaqstan Respýblıkasynyń aýmaǵyndaǵy halyq­aralyq mamandandyrylǵan kórme obektileri boıynsha qurylys jobasyn jáne jobalaý aldyndaǵy qujattamany bir mezgilde ázirleýge jol beriledi.»;

6) 64-baptyń 4-tarmaǵy mynadaı mazmundaǵy tórtinshi bólikpen tolyqtyrylsyn:

«Osy tarmaqtyń talaptary Qazaqstan Respýblıkasynyń aýmaǵyndaǵy halyqaralyq mamandandyrylǵan kórme obektilerine qoldanylmaıdy. Bul obektiler saraptamalyq jumystar naryǵynyń sýbektileri júzege asyratyn saraptamaǵa jatady.»;

7) 68-baptyń 11-tarmaǵy mynadaı redaksııada jazylsyn:

«11. Tapsyrys berýshi qurylys-montajdaý jumys­taryn júrgizý bastalǵanǵa deıin keminde on jumys kúni buryn «Ákimshilik rásimder týraly» Qazaqstan Respýblıkasynyń Zańynda belgilengen tártippen, saraptamany ótkizý mindetti bolǵan jaǵdaıda onyń oń qorytyndysynyń (Qazaqstan Respýblıkasynyń aýmaǵyndaǵy halyqaralyq mamandandyrylǵan kórme obektileri úshin jergilikti saraptamalyq oń qorytyndynyń) jáne jer ýchaskesin tańdaý aktisiniń kóshirmelerin qosa bere otyryp, memlekettik sáýlet-qurylys baqylaýyn júzege asyratyn organdardy qurylys-montajdaý jumystaryn júrgizýdiń bastalǵany týraly habardar etýge mindetti.».

5. «Saýda qyzmetin retteý týraly» 2004 jylǵy 12 sáýirdegi Qazaqstan Respýblıkasynyń Zańyna (Qazaqstan Respýblıkasy Parlamentiniń Jarshysy, 2004 j., № 6, 44-qujat; 2006 j., № 1, 5-qujat; № 3, 22-qujat; № 23, 141-qujat; 2009 j., № 17, 80-qujat; № 18, 84-qujat; № 24, 129-qujat; 2010 j., № 15, 71-qujat; 2011 j., № 2, 26-qujat; № 11, 102-qujat; 2012 j., № 2, 11, 14-qujattar; № 15, 97-qujat; 2013 j., № 14, 75-qujat; № 15, 81-qujat):

1) 1-bap mynadaı mazmundaǵy 21-1), 21-2), 21-3) jáne 21-4) tarmaqshalarmen tolyqtyrylsyn:

«21-1) halyqaralyq mamandandyrylǵan kórme – bir mezgilde mynadaı talaptarǵa sáıkes keletin:

resmı bolyp tabylatyn nemese halyqaralyq sharttarǵa sáıkes halyqaralyq úkimetaralyq uıym resmı tanyǵan;

eki jáne odan kóp memleket kórmege qatysýshylar bolyp tabylatyn;

kórmeniń uzaqtyǵy keminde alty aptany quraıtyn jáne alty aıdan aspaıtyn;

óner týyndylarynyń kórmesi jáne kommersııalyq sıpattaǵy kórme bolyp tabylmaıtyn;

Qazaqstan Respýblıkasy Úkimetiniń sheshimi boıynsha qurylǵan zańdy tulǵa ázirlegen jáne halyqaralyq mamandandyrylǵan kórmeni ótkizý týraly halyqaralyq shart erejeleriniń oryndalýyn baqylaý úshin qurylǵan halyqaralyq úkimetaralyq uıym bekitken tirkeý dereknamasynda kórmeniń bastalý jáne aıaqtalý kúni kórsetilgen kórme;

21-2) halyqaralyq mamandandyrylǵan kórmege qaty­sýshy – zattardy (eksponattardy) halyqaralyq maman­dandyrylǵan kórmege qoıatyn jáne halyqaralyq mamandandyrylǵan kórmede ulttyq seksııalarda tıisti eldiń múddesin bildiretin jeke nemese zańdy tulǵa, sondaı-aq halyqaralyq sharttyń talaptaryna sáıkes qabyldanatyn halyqaralyq mamandandyrylǵan kórmeni ótkizýdiń ishki qaǵıdalarynda aıqyndalǵan halyqaralyq uıym ne jeke nemese zańdy tulǵa;

21-3) halyqaralyq mamandandyrylǵan kórmeniń aýmaǵy – Qazaqstan Respýblıkasy Úkimetiniń sheshimi boıynsha qurylǵan jáne Qazaqstan Respýblıkasynyń aýmaǵynda halyqaralyq mamandandyrylǵan kórmeni uıymdastyrý jáne ótkizý jónindegi qyzmetti júzege asyratyn zańdy tulǵaǵa bólingen jer ýchaskeleri;

21-4) halyqaralyq mamandandyrylǵan kórmeniń obektileri – bir mezgilde mynadaı talaptarǵa sáıkes kelgen kezde:

halyqaralyq mamandandyrylǵan kórmeniń aýmaǵynda ornalasqan;

Qazaqstan Respýblıkasynyń Úkimeti bekitken, jalpymemlekettik, memleketaralyq nemese óńiraralyq mańyzy bar qala qurylysy jáne sáýlet-qurylys qujattamasynda (onyń ishinde bas josparda) kózdelgen obektiler tizbesine engizilgen;

Qazaqstan Respýblıkasy Úkimetiniń sheshimi boıynsha qurylǵan jáne Qazaqstan Respýblıkasynyń aýmaǵynda halyqaralyq mamandandyrylǵan kórmeni uıymdastyrý jáne ótkizý jónindegi qyzmetti júzege asyratyn zańdy tulǵa bekitken qujatta kózdelgen ǵımarattar, sáýlet obektileri, qurylystar, ınjenerlik jáne kólik ınfraqurylymy;»;

2) 6-bap mynadaı mazmundaǵy 14-1) jáne 14-2) tarmaqshalarmen tolyqtyrylsyn:

«14-1) qyzmetiniń negizgi nysanasy Qazaqstan Respýb­lıkasynyń aýmaǵynda halyqaralyq mamandandyrylǵan kórmeni uıymdastyrý jáne ótkizý bolyp tabylatyn, jarǵylyq kapıtalyna memleket júz paıyz qatysatyn zańdy tulǵany qurady;

14-2) Qazaqstan Respýblıkasynyń aýmaǵyndaǵy halyqaralyq mamandandyrylǵan kórme obektilerin jobalaý jáne (nemese) salý jónindegi qyzmetti júzege asyratyn uıymdardyń tizbesin bekitedi;»;

3) 28-bap mynadaı mazmundaǵy 3, 4, 5, 6 jáne 7-tarmaqtarmen tolyqtyrylsyn:

«3. Osy baptyń 2-tarmaǵynda kózdelgen talaptar halyqaralyq mamandandyrylǵan kórmege qolda­nylmaıdy.

4. Osy baptyń 6-tarmaǵynda kórsetilgen uıymdardy qospaǵanda, Qazaqstan Respýblıkasynyń aýmaǵynda halyqaralyq mamandandyrylǵan kórmeni uıymdastyrý jáne ótkizý jónindegi qyzmetti júzege asyratyn uıym óz qyzmetiniń maqsatyna qol jetkizý úshin mynadaı fýnksııalardy oryndaıdy:

1) halyqaralyq mamandandyrylǵan kórmeni uıym­dastyrý jáne ótkizý kezinde memlekettik organdarmen ózara is-qımyl jasaýdy qamtamasyz etedi;

2) halyqaralyq mamandandyrylǵan kórmeni uıym­dastyrýǵa jáne ótkizýge tikeleı baılanysty is-shara­lardy qarjylandyrýdy, sondaı-aq halyqaralyq mamandandyrylǵan kórme aýmaǵynda ornalasqan halyqaralyq mamandandyrylǵan kórme obektileriniń qurylysyn qarjylandyrýdy qamtamasyz etedi;

3) Qazaqstan Respýblıkasynyń aýmaǵynda halyqaralyq mamandandyrylǵan kórmeni uıymdastyrý jáne ótkizý jónindegi qyzmetti júzege asyratyn uıymnyń jarǵysynda kózdelgen ózge de fýnksııalardy oryndaıdy.

5. Osy baptyń 6-tarmaǵynda kórsetilgen uıymdardy qospaǵanda, Qazaqstan Respýblıkasynyń aýmaǵynda halyqaralyq mamandandyrylǵan kórmeni uıymdastyrý jáne ótkizý jónindegi qyzmetti júzege asyratyn uıym:

1) ortalyq, jergilikti ókildi jáne atqarýshy organdardan memlekettik jáne zańmen qorǵalatyn ózge de qupııany quraıtyn málimetterdi qospaǵanda, halyqaralyq mamandandyrylǵan kórmeni uıymdastyrý jáne ótkizý úshin qajetti aqparatty suratýǵa;

2) halyqaralyq mamandandyrylǵan kórmeni uıym­dastyrý jáne ótkizý máselelerin qozǵaıtyn sheshimder qabyldaýǵa qatysýǵa;

3) Qazaqstan Respýblıkasynyń azamattaryn, sondaı-aq Qazaqstan Respýblıkasynyń aýmaǵynda zańdy túrde júrgen sheteldikter men azamattyǵy joq adamdardy olarmen jasalǵan óteýsiz sharttar negizinde Qazaqstan Respýblıkasynyń aýmaǵynda halyqaralyq mamandandyrylǵan kórmeni uıymdastyrýǵa jáne ótkizýge qatysý úshin volonterler retinde tartýǵa quqyly.

6. Qazaqstan Respýblıkasynyń aýmaǵynda halyq­aralyq mamandandyrylǵan kórmeni uıymdastyrý jáne ótkizý jónindegi qyzmetti júzege asyratyn uıymdarǵa Qazaqstan Respýblıkasynyń Úkimeti bekitken Qazaqstan Respýblıkasynyń aýmaǵyndaǵy halyqaralyq mamandandyrylǵan kórmeniń obektilerin jobalaý jáne (nemese) salý jónindegi qyzmetti júzege asyratyn uıymdardyń tizbesine engizilgen zańdy tulǵalar da jatady.

7. Qazaqstan Respýblıkasynyń aýmaǵynda halyqaralyq mamandandyrylǵan kórmeni uıymdastyrý jáne ótkizý jónindegi qyzmetti júzege asyratyn uıymdarǵa salyq salý Qazaqstan Respýblıkasynyń salyq zańnamasyna sáıkes júzege asyrylady.».

6. «Tehnıkalyq retteý týraly» 2004 jylǵy 9 qarashadaǵy Qazaqstan Respýblıkasynyń Zańyna (Qazaqstan Respýblıkasy Parlamentiniń Jarshysy, 2004 j., № 21, 124-qujat; 2006 j., № 3, 22-qujat; № 15, 92-qujat; № 24, 148-qujat; 2008 j., № 15-16, 60-qujat; 2009 j., № 17, 80-qujat; № 18, 84-qujat; 2010 j., № 5, 23-qujat; 2011 j., № 1, 2-qujat; № 2, 26-qujat; № 11, 102-qujat; 2012 j., № 5, 41-qujat; № 14, 92, 95-qujattar; № 15, 97-qujat; 2013 j., № 4, 21-qujat; № 14, 75-qujat; № 15, 81-qujat):

1) 24-bap mynadaı mazmundaǵy 6-tarmaqpen tolyqtyrylsyn:

«6. Halyqaralyq, óńirlik standarttar jáne shet memleketterdiń standarttary Qazaqstan Respýblıkasynda qoldanylyp júrgen tehnıkalyq reglamentterde jáne olarmen úılestirilgen standarttarda belgilengen talaptarǵa qaıshy kelmegen, sapalyq kórsetkishteri boıynsha ulttyq standarttardan tómen bolmaǵan jaǵdaıda, osy baptyń 2, 3 jáne 4-tarmaqtarynyń talaptary Qazaqstan Respýblıkasynyń aýmaǵynda halyqaralyq mamandandyrylǵan kórmeni uıymdastyrýǵa jáne ótkizýge arnalǵan taýarlarǵa, jumystarǵa jáne kórsetiletin qyzmetterge qatysty osyndaı halyqaralyq, óńirlik standarttarǵa jáne shet memleketterdiń standarttaryna qoldanylmaıdy.»;

2) 33-bap mynadaı mazmundaǵy 3-tarmaqpen tolyq­tyrylsyn:

«3. Osy baptyń erejeleri Qazaqstan Respýblıkasynyń aýmaǵynda halyqaralyq mamandandyrylǵan kórmeni uıymdastyrýǵa jáne ótkizýge arnalǵan taýarlarǵa, jumystarǵa jáne kórsetiletin qyzmetterge qatysty sheteldik sáıkestik sertıfıkattaryna, synaq hattamalaryna, sáıkestik belgilerine jáne sáıkestikti rastaý salasyndaǵy ózge de qujattarǵa qoldanylmaıdy.».

7. «Qazaqstan Respýblıkasyndaǵy arnaıy ekono­mıkalyq aımaqtar týraly» 2011 jylǵy 21 shildedegi Qazaqstan Respýblıkasynyń Zańyna (Qazaqstan Respýblıkasy Parlamentiniń Jarshysy, 2011 j., № 15, 119-qujat; 2012 j., № 2, 14-qujat; № 21-22, 124-qujat; 2013 j., № 3, 19-qujat; № 15, 81-qujat):

1) 9-baptyń 1-tarmaǵy mynadaı mazmundaǵy tórtinshi bólikpen tolyqtyrylsyn:

«Arnaıy ekonomıkalyq aımaqtyń qatysýshysy retinde qyzmetti júzege asyrýǵa ótinim beretin ótinish berýshide tehnıkalyq-ekonomıkalyq negizdemege sáıkes keletin mólsherde qarjylaı qamtamasyz etýdiń bolýy týraly talap Qazaqstan Respýblıkasy Úkimetiniń sheshimi boıynsha qurylǵan jáne Qazaqstan Respýblıkasynyń aýmaǵynda halyqaralyq mamandandyrylǵan kórmeni uıymdastyrý jáne ótkizý jónindegi qyzmetti júzege asyratyn zańdy tulǵa bekitken zańdy tulǵalardyń tizbesine engizilgen, «Astana – jańa qala» arnaıy ekonomıkalyq aımaǵynyń qatysýshysy retinde qyzmetti júzege asyrýǵa ótinim beretin ótinish berýshige qoldanylmaıdy.»;

2) 10-bap mynadaı mazmundaǵy 3-tarmaqpen tolyqtyrylsyn:

«3. Qazaqstan Respýblıkasy Úkimetiniń sheshimi boıynsha qurylǵan jáne Qazaqstan Respýblıkasynyń aýmaǵynda halyqaralyq mamandandyrylǵan kórmeni uıymdastyrý jáne ótkizý jónindegi qyzmetti júzege asyratyn zańdy tulǵa bekitken zańdy tulǵalardyń tizbesine engizilgen, «Astana – jańa qala» arnaıy ekonomıkalyq aımaǵynyń qatysýshylary retinde qyzmetti júzege asyrýǵa ótinim beretin sheteldik zańdy tulǵalarǵa osy baptyń 2-tarmaǵynyń 7), 8) jáne 11) tarmaqshalarynda kózdelgen qujattardy usyný týraly talap qoldanylmaıdy.»;

3) 11-baptyń 3-tarmaǵy mynadaı mazmundaǵy ekinshi bólikpen tolyqtyrylsyn:

«Qazaqstan Respýblıkasy Úkimetiniń sheshimi boıynsha qurylǵan jáne Qazaqstan Respýblıkasynyń aýmaǵynda halyqaralyq mamandandyrylǵan kórmeni uıymdastyrý jáne ótkizý jónindegi qyzmetti júzege asyratyn zańdy tulǵa bekitken zańdy tulǵalardyń tizbesine engizilgen, «Astana – jańa qala» arnaıy ekonomıkalyq aımaǵynyń qatysýshysy retinde qyzmetti júzege asyrýǵa ótinim beretin ótinish berýshige qatysty bul merzim bes jumys kúninen aspaýǵa tıis.».

8. «Halyqtyń kóshi-qony týraly» 2011 jylǵy 22 shildedegi Qazaqstan Respýblıkasynyń Zańyna (Qazaqstan Respýblıkasy Parlamentiniń Jarshysy, 2011 j., № 16, 127-qujat; 2012 j., № 5, 41-qujat; № 8, 64-qujat; № 15, 97-qujat; 2013 j., № 9, 51-qujat):

1) 8-bap mynadaı mazmundaǵy 7-1) tarmaqshamen tolyqtyrylsyn:

«7-1) Qazaqstan Respýblıkasynyń aýmaǵyndaǵy halyqaralyq mamandandyrylǵan kórmege qatysý­shylardyń jáne (nemese) qatysýshylar qyzmetkerleriniń kelý jáne olardy tirkeý tártibin aıqyndaıdy;»;

2) 8-1-bap mynadaı mazmundaǵy 2-1) tarmaqshamen tolyqtyrylsyn:

«2-1) Qazaqstan Respýblıkasynyń aýmaǵyndaǵy halyqaralyq mamandandyrylǵan kórmege qatysý­­­shylardyń jáne (nemese) qatysýshylar qyzmetkerleriniń kelý jáne olardy tirkeý tártibin ázirleıdi;».

2-bap. Osy Zańnyń 2014 jylǵy 1 qańtardan bastap qoldanysqa engiziletin 1-babynyń 1 jáne 2-tarmaqtaryn qospaǵanda, osy Zań alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.

Qazaqstan Respýblıkasynyń Prezıdenti

N. NAZARBAEV.

Astana, Aqorda, 2013 jylǵy 3 jeltoqsan

№ 151-V QRZ