«Qazaqstandyq otbasylar-2020» ulttyq baıandamasynyń jobasy saraptamalyq talqylaýdan ótti. Qujatty Aqparat jáne qoǵamdyq damý mınıstrliginiń tapsyrysy boıynsha «Rýhanı jańǵyrý» qazaqstandyq áleýmettik damý ınstıtýtynyń otbasy ınstıtýty zertteý ortalyǵymen birlesip ázirledi.
Zertteý barysynda qazaqstandyq otbasylardyń jaǵdaıy taldanyp, elimizdegi otbasylyq saıasatty jetildirý boıynsha usynystar ázirlendi. Is-sharaǵa Qazaqstan Respýblıkasy Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraǵasy Lázzat Ramazanova, Aqparat jáne qoǵamdyq damý vıse-mınıstri Ashat Oralov, sondaı-aq Belarýs, О́zbekstan, Ýkraına, Tájikstannan kelgen qazaqstandyq jáne halyqaralyq sarapshylar qatysty.
Lázzat Ramazanova óz sózinde «Ulttyq baıandama otbasy salasynda jumys isteıtin árbir mamannyń anyqtamalyq kitaby bolýy kerek», dedi. Ol eseptiń negizgi tujyrymdaryn eskere otyryp, Qazaqstanda 2030 jylǵa deıingi otbasylyq-genderlik saıasat tujyrymdamasyn (ekinshi kezeń: 2020-2022) iske asyrý jónindegi is-sharalar josparyn jańartýdy usyndy.
Tutastaı alǵanda, is-sharaǵa qatysqan sarapshylar atalǵan qujattyń mańyzdylyǵyn aıtyp, ulttyq baıandamany daıyndaý sapasyna joǵary baǵa berdi.