«Osy júz jyldyqta Jerdegi adam ómiriniń orta jasy 120-ǵa jetedi», – dep málimdedi antropologııaǵa arnalǵan halyqaralyq ǵylymı-tájirıbelik konferensııada Reseı úkimeti janyndaǵy sarapshylar keńesiniń múshesi Sergeı Gradırovskıı. Bul týraly ITAR-TASS habarlady.
«Damyǵan elderde 30 jyldan keıin adam ómiriniń orta jasy 120 bolmaq. Bul kórsetkishke Reseı 40-45 jyldan keıin jetedi», – deıdi ǵalym.
Sergeı Gradırovskııdiń aıtýy boıynsha, adam ómiriniń uzarýy tarıhı zańdylyq. Mundaı jaǵdaı sońǵy birneshe júz jyldyqtyń ishinde eki ret baıqalǵan. «Qazirdiń ózinde damyǵan elderdegi adamdardyń orta jasy 90-ǵa taıap qaldy. 10 memlekette áıelder arasyndaǵy bul kórsetkish 85-ten asqan», – dedi ol.
Ǵalymnyń pikirinshe, adam ómirin uzartýǵa joǵary tehnologııalyq medısınany damytý men salaýatty ómir saltynyń yqpaly zor.
Antropologııaǵa arnalǵan halyqaralyq ǵylymı-tájirıbelik konferensııada adamdy jan-jaqty qalyptastyryp, damytýdyń túrli tujyrymdamalyq, jobalyq, tájirıbelik joldary qarastyryldy. Oǵan Reseı, Ulybrıtanııa, Izraıl, Irlandııa, Meksıka, Fransııa men Shveısarııa ǵalymdary qatysty.
Aıdar О́risbaev.
Derekkóz: Itar-tass.com