London Imperatorlyq kolledjiniń professory Vendı Barklaı Ulybrıtanııada anyqtalǵan koronavırýstyń jańa shtammy jasýshalarǵa ený qabiletiniń joǵary bolýyna baılanysty balalar úshin asa juqpaly bolyp keletindigin málimdedi.
Buǵan deıin Ulybrıtanııa bıligi koronavırýstyń jańa mýtasııasy COVID-19 basqa túrlerine qaraǵanda 70 paıyzǵa juqpaly ekenin atap ótken bolatyn.⠀Oksford ýnıversıtetiniń ǵalymdary, AZD1222 atymen belgili koronavırýstyq ınfeksııaǵa qarsy vaksınany jasap jatqan AstraZeneca farmasevtıkalyq kompanııasymen birge atalǵan vaksınanyń tıimdiligin arttyrýǵa qabiletti jańa formýlany anyqtady. Bul týraly kompanııanyń atqarýshy dırektory Paskal Sorıo málimdedi. Qarasha aıynda preparattyń koronavırýstan qorǵaý deńgeıiniń tıimdiligi orta esepppen 70% kórsetken bolatyn, bul negizgi básekelesterdiń kórsetkishterinen edáýir tómen bolatyn.⠀Izraıl memleketinde pandemııa bastalǵaly úshinshi lokdaýn engizildi. Turǵyndarǵa úılerinen bir shaqyrymnan artyq qashyqtyqqa sebepsiz shyǵýǵa tyıym salyndy, birinshi qajettiliktegi taýarlar men qyzmetin usynbaıtyn barlyq dúkender men kásiporyndar jabyldy.