Jambyl oblysynyń ákimi Berdibek Saparbaev koronavırýsqa qarsy QazCovid-in qazaqstandyq vaksına ektirdi. Bul týraly oblys ákimdiginiń baspasóz qyzmeti habarlady.
«Jambyl oblysynyń ákimi Berdibek Saparbaev koronavırýsqa qarsy qazaqstandyq QazCovid-in qazaqstandyq vaksınany qabylady. Vaksınasııa klınıkalyq zertteýlerden tys erikti túrde egildi», delingen aqparatta.
Sondaı-aq, oblys ákimimen birge S.J.Asfendııarov atyndaǵy Qazaq ulttyq medısınalyq ýnıversıtetiniń rektory Talǵat Nurǵojınge de otandyq vaksına egildi.
«Álemdik sarapshylar qaýipsiz jáne tıimdi vaksınany jasaý men óndirýdi jedeldetý úshin kóp jumys isteýde. Qordaı aýdanynda ornalasqan bıologııalyq qaýipsizdik máseleleri ǴZI-y ózimizdiń qazaqstandyq vaksınamyzdy da ázirledi. Eriktilerge arnalǵan klınıkalyq zertteýlerdiń alǵashqy eki kezeńi sátti ótti, olarda jaqsy nátıje kórsetti jáne janama áserler bolǵan joq. Qazaqstandyq vaksına oń nátıje kórsetip, jappaı qoldanýǵa usynylady dep úmittenemin», dedi Berdibek Saparbaev.
Qazirgi tańda Tarazda klınıkalyq zertteýlerdiń úshinshi kezeńi júrip jatyr.
Aıta keteıik, 19 jeltoqsannan bastap Qazaqstan Respýblıkasy bilim jáne ǵylym mınıstrligi ǵylym komıtetiniń bıologııalyq qaýipsizdik problemalary ǵylymı-zertteý ınstıtýtynyń ǵalymdary ázirlegen QazCovid-in vaksınasynyń klınıkalyq synaqtarynyń úshinshi kezeńi júrgizilip jatyr.