Dál qazir alǵash ret elimizde ótip jatqan «Eýrazııa barysy» halyqaralyq týrnıri aıaqtalýǵa jaqyn qaldy. Bul týraly www.egemen.kz tilshisi habarlady.
Bizdiń eldiń balýandar alǵashqy kezdesýinde Iran quramasyn 5:0 jeńgennen keıin ekinshi beldesýinde Tájikstan komandasyn da 5:0 esebimen aıqyn basymdyqpen utty. Sóıtip, bizdiń balýandar birden fınalǵa joldama aldy. Týrnırde Mońǵolııa balýandary da qarsylastaryn dál osyndaı eseppen utyp, fınalǵa shyqty. Olar Reseı quramasynan basym tústi. Endi fınalda Qazaqstan men Mońǵolııa balýandary kezdesedi. Aıta ketetin bir nárse, Mońǵolııa quramasynda 90 kılo salmaq dárejesinde Serik Berdimurat degen balýan kúresip jatyr. Fınalda ol qazaqstandyq Muhıt Tursynovpen kúsh synasady.
Al buǵan deıin jubatý týrnıriniń kezdesýleri boldy. Olarda Tájikstan Irandy, Reseı Túrkııany 4:1 etip utsa, Polsha Qytaıdan 3:2 esebimen basym tústi. Bulardyń sońǵysy 7-8 oryndar úshin talasqan edi. Budan ári Iran men Túrkııa 5-6 oryndar úshin shaıqasady.
Osylaısha týrnır jalǵasyp jatyr. Endi birshama ýaqyttan keıin biz týrnırdiń bas júldesi kimge buıyratynyn da bilemiz.
Dastan Kenjalın.
Derekkóz: egemen.kz