Bıylǵy «Volonter jyly» álemde taralǵan koronavırýs indetimen tuspa-tus keldi. Elimizde de taralyp jatqan indetten qorǵanýdyń bir joly – halyqtyń amandyǵy úshin úıden kóp shyqpaý. Janymyzǵa jaqyn adamdardy indetten saqtaý, úlken kisilerge kómek kórsetý. Osy tusta volonter jastardyń eńbegi zor.
Jýyrda S.Báıishev atyndaǵy Aqtóbe oblystyq ámbebap ǵylymı kitaphanasy «Ǵajap» múmkindigi shekteýli balalar qoǵamdyq birlestigi «ADAL KOMEK» volonterlik uıymymen birlese «Jaqsy kitap – jan azyǵy» jobasy aıasynda «Meıirimdilik óz qolyńda» atty ádebı keshin ótkizdi. «ADAL KOMEK» volonterlik uıymy óńirimizdiń talantty jastarynyń biri Oljas О́teýovtiń bastamasy. Ol – Q.Jubanov atyndaǵy Aqtóbe óńirlik ýnıversıtetiniń stýdenti, «Stýdenttiń ǵylymı izdenis nátıjeleri» atty ekinshi respýblıkalyq ǵylymı-praktıkalyq konferensııasynyń II dárejeli dıplom ıegeri, dzıýdo kúresinen oblystyq, respýblıkalyq týrnırlerdiń jeńimpazy. Onyń aıtýynsha, volonterlik topty qurý maqsaty balalarǵa, qarttarǵa erekshe kóńil kúı syılaý, azǵantaı bolsa da, qolynan kelgenshe qol ushyn sozý, ıgilikti is jasaý.
«ADAL KOMEK volonterlik uıymy Q.Jubanov atyndaǵy Aqtóbe óńirlik ýnıversıteti GMK-101 tobynyń stýdentterinen quralǵan.
Sharaǵa Q.Jubanov atyndaǵy Aqtóbe óńirlik ýnıversıtetiniń stýdentteri Nurlyat Sársenbaev, Ornaı Jarasqanova, Aıdana Serikbaeva, Gúldana Nurtýǵanqyzy qatysyp, «Jalqaý mysyq» ertegisin sahnalady. Osy ádebı keshke «Shyn hakim, sóziń asyl, baǵa jetpes» atty respýblıkalyq onlaın ádebı baıqaýynyń I oryn júldegeri, Aqtóbe kóp salaly Tarlan kolledjiniń stýdenti Anar О́tegenova arnaıy qatysyp, óziniń júrekjardy óleńin oqydy. Sonymen qatar GMK-101 tobynyń stýdentteri Sholpan Brımtaeva, Zarına Amanǵalıeva tamyljyta án salyp, №12 orta mektebiniń oqýshysy Danııa Saprygına myń buralyp bı bıledi.
Sondaı-aq III respýblıkalyq «Uly dala urpaǵy» baıqaýynyń I oryn ıegeri, V halyqaralyq «Galaktıka talantov» baıqaýynyń jeńimpazy, oblystyq jáne respýblıkalyq baıqaýlardyń jeńimpazy, Q.Jubanov atyndaǵy Aqtóbe óńirlik ýnıversıtetiniń stýdenti О́rken Qadyrov kúı tartý etti. Sharanyń sońynda belsendi jastar Abaıdyń «Kózimniń qarasy» ánin qosyla shyrqady. Atalmysh ádebı keshke múmkindigi shekteýli jandarǵa arnalǵan «Alash» qoǵamdyq birlestigindegi balalar men jasóspirimderge arnalǵan «REAL» foto stýdııasynyń músheleri Gúlfaıra Ramazanova, Samal Eshimova, Saltanat Shýıtbaeva belsene atsalysty.
Izgi sharanyń bastamashysy bolǵan «ADAL KOMEK» volonterlik uıymy kishkentaı balaqaılarǵa arnaıy syılyq ázirlep, tabys etti. Ádebı kesh sońynda «Ǵajap» múmkindigi shekteýli balalar qoǵamdyq birlestigi dırektorynyń orynbasary Inna Romanovna barsha qatysýshylarǵa rızashylyǵyn bildirip, aldaǵy ýaqytta da, osyndaı sharalardyń kóptep ótkizilýine usynysyn aıtty.
Memleket basshysy Qasym-Jomart Toqaevtyń «Jańa jaǵdaıdaǵy Qazaqstan: is-qımyl kezeńi» atty Qazaqstan halqyna Joldaýynda ulttyń jańa bolmysy týraly bylaı aıtady: «Bul kózqaras búgingi kúni óte mańyzdy. Birinshiden, HHI ǵasyrdyń urpaǵy tereń bilimdi bolǵany jón. Ekinshiden, jas býyndy erinbeı eńbek etýge beıimdeý qajet. Úshinshiden, kez kelgen isti kásibı daǵdy arqyly júzege asyrǵan durys. Tórtinshiden, temirdeı tártip jáne joǵary jaýapkershilik barshamyzdyń boıymyzda bolýy kerek. Besinshiden, ádildikten aınymaǵan jón. Ádildik – qoǵam damýynyń mańyzdy sharty. Ádilettilik – ásirese el-jurttyń taǵdyryn sheshý úshin asa qajet qasıet. Altynshydan, bizge keregi – adaldyq, uqyptylyq, tııanaqtylyq. Bárimiz naǵyz qazaqty dál osyndaı keıipte kórgimiz keledi. Biz sonda ǵana básekege qabiletti memleket, zııatker ult qalyptastyra alamyz». Osy Joldaýdan túıgenimiz – bilimdi, sanaly urpaqtyń ulttyq bolmysyn qalyptastyryp, ásirese jastardyń boıyna ulttyq qundylyqtarymyzdy sińirý. Osy tusta bizdiń belsendi volonterlerimiz aınymas qaǵıdany nyq ustap, izgilikti sharalardyń bastamashysy bolyp keledi. Adal joldan taımaıtyn, ádilettilikti qoldaıtyn jastardyń urany «Biz birgemiz!». «ADAL KOMEK» volonterlik uıymy sııaqty árdaıym aınalasyna meıirimin tógip, jaqsylyq jasaýǵa daıyn turatyn meıirimdi, aq peıildi, adal eńbek etetin jastarymyz kóp bolsyn!
Aqmaral MUQAShEVA,
S.Báıishev atyndaǵy Aqtóbe oblystyq ámbebap ǵylymı kitaphanasynyń qyzmetkeri