Birliktiń eren úlgisi

Bizge jan-jaqtan tamaq, kıim ákelip jatty. Áskerılerdiń tó­sek-ornyn tósenip uıyqtaı­myz. Mektep eki qabatty, sport zalǵa erler, kabınetterine áıel­der, bala-shaǵa ornalasty. Koro­na­vı­rýstan qorǵaný úshin maska ta­ratty, ashanaǵa qoldy antıseptıkpen shaıǵyzyp kirgizedi. Jatarda temperatýramyzdy ól­shep ketedi. Aramyzda júkti áıel­der bar, olardy dárigerler qa­rap júr. Aýyz bekitkenderge jer­gilikti kásipkerler, kent tur­ǵyn­dary sáresi men aýyzashar ber­di. Bar kómekke razymyz, biraq... aýylymyzǵa, úıimizge qaıt­qy­myz keldi». Maqtaaral aýdany Jeńis aýylynyń turǵyny Alma Janıkeshova mamyrdaǵy tosyn apatty eske alyp osylaı deıdi.

«Aǵaıynnyń, memlekettiń, oblys, aýdan basshylarynyń qol­daýy der kezinde kórsetilýi biz­ge dem berdi, eńsemizdi túsir­me­dik. Erteńge senimimiz nyǵaıdy. Búkil Qazaq eliniń qoldaýyn se­zindik. Memleket bergen 17 mln teńgeni úsh transh boıynsha alyp, qurylys júrgizdik. Jańa úıdi zaman talabyna saı, sapaly materıaldarmen salyp aldyq. Bólingen qarjy tolyǵymen jetti», deıdi О́rgebas aýylynyń turǵyny Qu­raq­baı Mamyrjıev.

Iá, Maqtaaraldaǵy tosyn oqıǵa birligi bekem eldiń berekesi buzylmaıtynyn kezekti ret aıqyndady. Sol bir kúndi eske sala ket­sek, О́zbekstan Respýblıkasy TJM málimetine sáıkes, 1 mamyr 20:15 shamasynda «Sardoba» sý qoımasy Qazaqstan Respýblıkasy aýmaǵyna sý aǵyzýdy toqtatqan.

Sý qoımasynyń qurylysy 2010 jyly bastalyp, 2017 jyly aıaqtalǵan, syıymdylyǵy 922 mln tekshe metr. Arnadan asqan sý Aqaltyn aýdanyndaǵy Abaı kanalymen Jızaq obly­syn­daǵy Arnasaı kóline aǵyzylǵan. Degen­men túnimen aqqan sar­qy­rama sý «SGK» kanalyna jı­nalǵan. Atalǵan kanaldyń sý jiberý qýattylyǵy sekýndyna 120 tekshe metr. Biraq kanalǵa túnimen sekýndyna 180 tekshe metr sý aǵyp kelgen. Ekin­shi mamyr, saǵat tańǵy 4.30 kezin­de Maqtaaral aýdanynyń she­karasynda «SGK» kanalyna 300 mıllıon tekshe metr sý kelip quıylǵandyqtan aýdan­da tótenshe jaǵdaı qalyp­tasty. Oblystyq mańyzy bar Myr­zakent-Jeńis-Jańatur­mys avomobıl jolyn sý alyp ketýi saldarynan kólikter júre almaı qaldy. Sondaı-aq Myr­za­kent, Ferdoýsı, Jantaqsaı eldi mekenderi turǵyndaryn eva­kýa­sııalaý qajettiligi týyn­dady. Myrzakent eldi meke­ninde 14 532, Ferdoýsı eldi me­ke­ninde 2 377 turǵyn, al Jan­taqsaı eldi mekeninde 700 tur­ǵyn bar. Apatty-qutqarý ju­m­ystaryna Túrkistan oblysy, Shymkent qalasy Tótenshe jaǵdaı departamentteri, sondaı-aq Ulttyq gvardııanyń 6 506 bólimshesinen aýdandyq polısııa bóliminiń, jergilikti atqarýshy organnyń qyzmetkerleri men tehnıkalar tartyldy. Jalpy, Maqt­aaral aýdanynyń sý bas­qan eldi mekenderinen 2 mamyr­dan bastap 31 606 adam kóshi­ril­gen, 24 evakýasııalyq beketke jaı­ǵastyrylǵandardyń den­saý­ly­ǵyn baqylaýǵa alý úshin 147 me­dısına qyzmetkeri jumyl­dy­rylǵan. Turǵyndardyń kóshýin qamtamasyz etý maqsatynda 68 avtobýs bólinip, bir mezette shamamen 7-8 myń adam Atakent, Asyqata kentterine tasymaldandy. Sondaı-aq 3 115 iri qara mal, 1 101 usaq mal, 585 jylqy, 34 túıe Keles aýdany, Qyzylásker aýylyna jetkizilgen. Budan bólek, 1 797 iri qara, 6 029 usaq mal, 689 jylqy, 381 túıe Maq­taaral aýdanyndaǵy qaýipsiz jerge shy­ǵarylǵan.

Qaýiptiń aldyn alý, eń bas­tysy adam ómirin saqtaý maq­satyndaǵy oblys ákimi О́mir­zaq Shókeevtiń, aýdan ákimi Baqyt Asanov pen jaýapty qyz­me­tte­giler­diń jedel qımy­ly óz nátı­je­sin berdi de. Maq­taaralǵa eli­miz­diń búkil oblys­tary kómek qolyn sozdy. Elimiz­diń túk­pir-túkpirinen 700 tonna­dan astam azyq-túlik pen gýmanıtarlyq kómek keldi. Sý basqan aımaqtaǵy árbir turǵyn respýblıka bıýdjetinen 100 myń teńgeden qarajat aldy. «Bolat О́temuratov qory» zardap shekkenderge úı salyp berý úshin 6 mln AQSh dollaryn bóldi. Reseı kásipkeri Álisher Ýsmanovtyń qorynan 5,2 mln AQSh dollary aýdaryldy. Bul qarjy 5 202 ot­ba­syna 1 000 AQSh dollarynan úles­tirildi. Zardap shekken úsh aýyl turǵyndary úshin Myr­za­kentten boı kótergen jańa qala­shyqtaǵy 386 úıdiń 196-sy Úkimet rezervinen bólin­gen qarajat esebinen, 150 úı «Bolat О́temuratov qorynyń» qar­jysyna salyndy. Al 20 bas­pana Nur Otan partııasynyń «Biz birgemiz» qory men 20 baspana «Salıqaly urpaq» qorynyń qoldaýymen boı kóterdi.

Apat aýmaǵynda zardap shekken egistikter qalpyna kelip, Myr­zakentte jańa shaǵyn aýdan boı kóterdi. 70 gektar jerde or­na­lasqan jańa qalashyqtaǵy 386 úıge Jeńis, Jańaturmys jáne Dostyq eldi mekenderiniń tur­ǵyndary kóship keldi. Sony­men qatar, Ferdoýsı aýylynda 340 úı, О́r­gebas aýylynda 195 úı tur­ǵyn­dardyń óz kúshimen sa­lyndy jáne ol úshin Úkimet ótem­­aqy retinde árbir úıge 17 mıl­­lıon teńgeden berdi. Jańa sha­ǵyn aýdanda barlyq ınjener­lik ınfraqurylym tartylǵan. Aýyz sý, jaryq, jylý men káriz júıesi jasaqtalyp, joǵary jyl­dam­dyqtaǵy ınternet jeli­sine qosylǵan. Sondaı-aq munda 1 200 oryndyq mektep pen bala-baq­sha jáne dárigerlik ambýla­torııa salynýda. Bilim berý nysanyn turǵyzý úshin 1,8 mlrd teńge já­ne 280 oryndyq bala­baqshanyń qurylysyn júrgizý úshin 692,1 mln teńge qaral­ǵan. Qos nysan­nyń qury­lysy kelesi jyly aıaq­talady. Sondaı-aq bir aýysym­da 25 adamdy qabyldaıtyn dári­gerlik ambýlatorııa jáne polısııalyq pýnkt qurylysy aıaqtalyp, ishki jáne syrtqy árleý jumys­tary júrgizilýde. Shaǵyn aýdan­da kóshelerdiń barlyǵy asfalt­talǵan. Balalardyń oıyn alań­dary ornatylyp, aǵashtar otyr­­ǵyzylǵan. Sý tasqy­ny sal­­darynan 3 aýyldyq okrý­gine qarasty 11 eldi meken­niń 1 003 agroqurylymǵa tıesi­li 5 694,98 gektar egistik alqap­tary zııan shekken bolatyn. Aýyl sharýa­shylyǵy salasy maman­darynyń qatysýymen jasalǵan esepke sáıkes, jalpy shyǵyn kólemi 1,142 mlrd tenge boldy jáne sharýalarǵa tolyqtaı tólendi.

Osylaısha, Maqtaaraldaǵy apat halyqtyń birligi men yn­ty­maǵyn synaqtan ótkizgen­deı de boldy. Oblys halqy mem­leket­­tiń, qalyń jurtshylyqtyń qol­daýy­men qıyndyqtan súrinbeı ótti, el birliginiń bekemdigin, yn­ty­maǵyn, baýyrmaldyǵyn kórsetti.

Túrkistan oblysy