Qurdasyn óltirgen jetkinshek 11 jylǵa sottaldy

Qyzylorda soty jappaı tóbeles kezinde qurdasyn óltirgen jetkinshekke qatysty úkimin shyǵardy.

Qyzylorda soty jappaı tóbeles kezinde qurdasyn óltirgen jetkinshekke qatysty úkimin shyǵardy.

Bul oqıǵa bıylǵy jylǵy oqý bitirý keshinen keıin oryn aldy. Qyzylorda qalasy kósheleriniń birinde eki mektep oqýshylary arasynda kıkiljiń týdy. Sol kezde oqýshylardyń biri ekinshisin pyshaqpen urǵan. Osydan keıin jaralanǵan jigittiń dosy synyptasy úshin kek almaq bolyp, bir tanysynan qoldan qarý jasap berýdi suraıdy. Qarý daıyn bolǵanda jetkinshek synyptas­taryn jınap, dosyn jaralaǵan jigitti izdep barǵan. Munyń sońy eki top arasynda tóbeles týyp ketýine aparyp soqtyrady.

Qalada mektep oqýshylary arasynda toptyq tóbeles bolyp jatqanynan habardar bolǵan polısııanyń «Boran» jasaǵy shuǵyl jetip keledi. Tártip saqshylaryn kórgen toptar sol boıda jan-jaqqa bytyraı qashady. Sol kezde qolynda qarýy bar manaǵy bala qashyp bara jatqan qurdasyn artynan kelip, pyshaqpen urady. Qatty tıgen sol jaraqattan oqýshy oqıǵa bolǵan jerde kóz jumady.

Sot barysynda jigittiń kiná­si tolyǵymen dáleldendi. Osyǵan oraı sot ony 11 jylǵa bas bostandyǵynan aıyrdy. Bu­ǵan qosa, oǵan qoldan qarý ja­sap bergen adam da jazasyz qal­mady. Ol shartty túrde 2 jylǵa bas bostandyǵynan aıyrýǵa kesildi. Úkim áli zańdy kúshine engen joq.

Qurysh NURYMBET.