Aqparat jáne qoǵamdyq damý mınıstrliginiń 2020 jyldaǵy jumysy ártúrli baǵyttarda júrgizildi. Olar: aqparat, din, etnosaralyq qatynastar, úkimettik emes sektormen ózara is-qımyl, memlekettik jastar saıasaty máselelerin qamtydy.
Sonymen, memlekettik tapsyrysty qurýda biryńǵaı ádisti respýblıkalyq jáne jergilikti deńgeıde qoldaný júzege asyryldy, kontentti óndirýshige teleónimdi úsh jylǵa ornalastyrý boıynsha aıryqsha quqyqtar berildi, taldamalyq jáne mýltımedııalyq kontenttiń úlesi artty.
Astana Media Week medıa aptalyǵynyń aıasynda eki myńǵa jýyq adamnyń qatysýymen 15 semınar-trenıng, 500 aımaqtyq jýrnalıstterge arnalǵan 5 trenıng ótti. Sonymen qatar Ekologııa, geologııa jáne tabıǵı resýrstar mınıstrligimen, ál-Farabı atyndaǵy QazUÝ, L.N.Gýmılev atyndaǵy EUÝ jáne S.Asfendııarov atyndaǵy QazUMÝ-men salalyq jýrnalıstıkany damytý boıynsha úsh memorandýmǵa qol qoıylyp, Ulybrıtanııa, Germanııa jáne Reseı elderiniń oqytý kompanııalarymen ózara qatynas ornatyldy.
2020 jyly Aqparat jáne qoǵamdyq damý mınıstrligi birneshe jańa jobalardy iske qosty:
Stopfake.kz saıty: feıkterdiń jalǵan aqparat ekendigin jáne ótkir taqyryptarǵa túsinikteme beretin 250 jarııalanym ornalastyryldy; saıtqa kirýshiler – 66 myń; paraqshalar qaralymy – 100 myń; saılaýǵa baılanysty feıkterdi joqqa shyǵaratyn sailau.stopfake.kz jeke taraýy jumys isteıtin bolady.
Memlekettik baǵdarlamalardyń biryńǵaı portaly: baǵdarlamalardyń pasporttary júkteldi; ındıkatorlyq kórsetkishterdiń oryndalýy týraly ınfografıkamen tolyqtyrylýda; sarapshylardyń kommentarııleri bar «Suraqtar men jaýaptar» baǵany.
Memlekettik BAQ-tyń birińǵaı portaly: maqsaty – Prezıdenttiń, Úkimettiń tapsyrmalaryn jáne memlekettik baǵdarlamalardyń oryndalý sharalaryn taratý men ilgeriletý; portal redaksııasyna kúndelikti 15-ten 45-ke deıin jańalyq teksteri kelip túsýde; 3 myńnan astam materıal ornalastyrylǵan. Sondaı-aq Massaget.kz pen Tengrinews.kz portaldarynda Abaıdyń 150 jyldyǵyna oraı joba, karantın kezinde ata-analar men muǵalimder úshin oqytý vıdeolary bar «Onlaın mektep», «Balaevaǵa 3 suraq» baǵdarlamasynyń segiz kórsetilimi ótti, «Batyrlar bizdiń ortamyzda» jobalary quryldy.
Azamattyq qoǵam salasynda «ÚEU akademııasy» aýqymdy jobasy júzege asyrylýda, Qazaqstannyń IX Azamattyq forýmy onlaın rejiminde ótkizildi. 2700 materıal saraptamadan ótip, destrýktıvti sıpattaǵy 1295 materıaldyń taralýyna tyıym salynyp, 70 myńnan astam adam destrýktıvti saıttar men áleýmettik qoǵamdastyqtardan alystatyldy. Dinı ıdeologııadan zardap shekken adamdardy ońaltý úshin «Jýsan» jáne «Rýsafa» gýmanıtarlyq operasııalary aıasynda terrorıstik is-qımyldar oryn alǵan aımaqtardan oralǵan 632 azamatpen jumys júrgizilýde. «Jýsan» operasııasy aıasynda oralǵan 163 áıeldiń 133-i radıkaldy kózqarasynan bas tartyp, destrýktıvti tendensııany qoldaıtyn 2433 adam dástúrli dinniń aǵymyna oraldy.
Etnosaralyq qatynastar máseleleri boıynsha taldamalyq jumys júıesi qurylyp, ár aımaqtaǵy etnoáleýmettik shıelenistiń kartalary jasalyp, iske asyryldy.
Abai Uii qazaqtyń mádenı jáne iskerlik úıleri 5 elde (Ýkraına, Reseı, О́zbekstan, Túrkııa, Germanııa), 12 shet elde qazaq tilin úırenýge arnalǵan 31 onlaın-synyp ashyldy. Mınıstrlik 2030 jylǵa deıingi otbasylyq-genderlik saıasat tujyrymdamasynyń ekinshi kezeńin iske asyrý jónindegi is-sharalar josparyn bekitti. Jastar arasynda jumyspen qamtý, bilim berý jáne turǵyn úı máselesi boıynsha 400 myńnan astam jasqa arnalǵan onlaın keńester berilip, Zeren respýblıkalyq jastar bilim berý jobasy iske asyryldy.