Táýelsizdik – táńir syıy. Mine, bıyl Qazaq eliniń táýelsizdik alǵanyna 30 jyl tolmaq. Osynaý mereıli jylǵa qadam basar sátte Atyraýda 91 metr bıikte kók Tý jelbiredi.
– Qalamyzǵa ár berer aıshyqty nysandar qatary aıbyndy týtuǵyr alańymen tolyqty. Kók baıraǵymyz kókpen ushtasty. О́z dáýirinde dańqty babalarymyz bórli baıraq ustap, baǵanaly orda qurǵan. Sondyqtan tý biz úshin – qanymyzda qaınaǵan namys, rýhty kóteretin qudiret. Atamekenimizdiń tórine alyp tý tigý – biz úshin asqan abyroı, zor mártebe. Qalamyzdyń kórkin ashqan baıraǵymyz elimizdiń aıbynyn asqaqtata túserine senemin, – deıdi Atyraý oblysynyń ákimi Mahambet Dosmuhambetov.
Tý ornatylǵan tuǵyrdyń bıiktigi – 91 metr. Alyp týdyń bolattan jasalǵan konýstyq tiregi bar. Uzyndyǵy 80 metrlik týtuǵyr kompozısııasy sýburqaq pen doǵa pishindi erkerlik kompozısııadan turady. Kompozısııanyń orta tusynda Qazaqstan Respýblıkasynyń kartasy, joǵarǵy jaǵynda Eltańba, al shetki bóliginde Ánuran jazylǵan. Konýs pishindi tuǵyrǵa kólemi 29h14,5 metr bolatyn Tý ilindi. Endi elimizdiń memlekettik rámizderi ornalasqan alańda mańyzdy saltanatty sharalar ótetin bolady.
Bul nysannyń qurylysy «Teńizshevroıl» JShS demeýshiligimen boı kóterdi. Kompanııa basshysy Imer Bonner «Myqtylyq, molshylyq pen beıbitshilik, sondaı-aq 2021 jyldyń jaqsylyǵy kóp bolsyn. Osynaý eńseli tuǵyrdaǵy Tý udaıy bıikte jelbirep tursyn», dep Qazaq eline izgi tilegin bildirdi.
«Kastador» JShS-niń joba menedjeri Edvard Ildiń aıtýynsha, qurylys kezinde sapany baqylaý sharalary kúsheıtilipti. Tý ornatylǵan tuǵyrdy shetelden kelgen birneshe maman qaıta tekserip shyqqan. Sondaı-aq AQSh-tyń ınjenerleri tuǵyrdyń kompıýterlik modelin jasap, óńirdiń aýa raıyna, atmosfera men jeldiń jyldamdyǵyna qatysty tózimdiligin synapty. Sóıtip, olar tehnıkalyq qyzmet kórsetýdiń eń qaýipsiz nusqasyn tańdapty.
Endi monýmenttiń aınalasyndaǵy 6500 sharshy metr alańǵa butaly 8500, qylqan japyraqty 44 jáne japyraqty 70 kóshet egiledi. Monýmentke irgeles aýmaq raýshan gúlimen bezendirilgeli otyr.
Atyraý oblysy