Qazaq rejısseri Shyńǵys Aıtmatov atyndaǵy halyqaralyq syılyqtyń laýreaty atandy
Bul oqıǵany bir jaǵynan qazaq pen qyrǵyzdyń baýyrmaldyq belgisi retinde de qabyldaýǵa bolar edi. Sońǵy jyldary Ǵ.Músirepov atyndaǵy Qazaq memlekettik akademııalyq balalar men jasóspirimder teatry Alataýdyń arǵy bókterindegi qyrǵyz eline bir emes, birneshe ret baryp, ónerden kópir saldy. Aıyrqalpaqty baýyrlardyń elinde Qazaqstannyń mádenı kúnderi ótýine teatr qal-qaderinshe úlesin qosty.
Qazaq rejısseri Shyńǵys Aıtmatov atyndaǵy halyqaralyq syılyqtyń laýreaty atandy
Bul oqıǵany bir jaǵynan qazaq pen qyrǵyzdyń baýyrmaldyq belgisi retinde de qabyldaýǵa bolar edi. Sońǵy jyldary Ǵ.Músirepov atyndaǵy Qazaq memlekettik akademııalyq balalar men jasóspirimder teatry Alataýdyń arǵy bókterindegi qyrǵyz eline bir emes, birneshe ret baryp, ónerden kópir saldy. Aıyrqalpaqty baýyrlardyń elinde Qazaqstannyń mádenı kúnderi ótýine teatr qal-qaderinshe úlesin qosty.
Jýyrda Bishkek qalasynda jazýshy Shyńǵys Aıtmatovtyń 85 jyldyǵyna oraı IV halyqaralyq ART-ORDO atty teatr festıvali bolyp ótti. Festıvalǵa T.Abdýmomýnov atyndaǵy Qyrǵyz ulttyq akademııalyq drama teatry, Jambyl oblystyq orys drama teatry, Novosibir memlekettik teatr ınstıtýty ujymy, B.Qydykeev atyndaǵy Bishkek teatry, ystambuldyq «Adana davlet» jáne elimizdiń Ǵ.Músirepov atyndaǵy Balalar men jasóspirimderge arnalǵan memlekettik akademııalyq qazaq teatry qatysqan bolatyn.
Festıval barysynda elimizdiń belgili rejısseri, ssenarıst Talǵat Temenov halyqaralyq Shyńǵys Aıtmatov atyndaǵy syılyqpen marapattaldy. Joǵary deńgeıdegi júldeni Qyrǵyz Respýblıkasynyń Mádenıet, aqparat jáne týrızm mınıstri Sultan Raev tabys etti.
Ǵ.Músirepov atyndaǵy Qazaq memlekettik akademııalyq Balalar men jasóspirimder teatrynda sońǵy 2-3 jyl kóleminde Talǵat Temenovtiń sahnalaýymen Shyńǵys Aıtmatovtyń «Qyzyl oramaldy shynarym» eki bólimdi dramasy, «Teńiz jaǵalaı júgirgen tarǵyl tóbet» tragedııasy qoıyldy.
Qazirgi kúnderi T.Temenov óz qalamynan týǵan «Sýdaǵy iz...» 24 serııaly kórkemfılmin «Qazaqstan» telearnasynyń arnaıy tapsyrysy boıynsha túsirý ústinde.
Aınash ESALI,
«Egemen Qazaqstan».
ALMATY.