Keshe Syrtqy ister mınıstrliginde Birikken Ulttar Uıymy Bas Assambleıasynyń Adam quqyqtarynyń jalpyǵa birdeı deklarasııasyn qabyldaýyna 65 tolýyna jáne halyqaralyq Adam quqyǵy kúnine arnalǵan dóńgelek ústel bolyp ótti.
Keshe Syrtqy ister mınıstrliginde Birikken Ulttar Uıymy Bas Assambleıasynyń Adam quqyqtarynyń jalpyǵa birdeı deklarasııasyn qabyldaýyna 65 tolýyna jáne halyqaralyq Adam quqyǵy kúnine arnalǵan dóńgelek ústel bolyp ótti.
Dóńgelek ústelge qatysýshylarǵa Qazaqstan Prezıdenti janyndaǵy Adam quqyqtary jónindegi komıssııanyń tóraǵasy Qýanysh Sultanov, Qazaqstan Respýblıkasy Syrtqy ister mınıstriniń orynbasary Alekseı Volkov, Birikken Ulttar Uıymynyń Qazaqstandaǵy Turaqty úılestirýshisi Stıven Týll, Eýropalyq Odaq О́kildiginiń Qazaqstandaǵy basshysy Aýrelııa Býshez, Ulybrıtanııanyń Qazaqstandaǵy elshiligi isteriniń senim bildirilgen ókili Greg Kýınn jáne Birikken Ulttar Uıymynyń Bosqyndar isteri jónindegi Joǵarǵy Komıssarynyń Ortalyq Azııadaǵy О́ńirlik ókili Saber Azam quttyqtaý sóz sóıledi.
Dóńgelek ústel barysynda Qazaqstan Respýblıkasynyń Konstıtýsııasymen jáne qoldanystaǵy zańnamasymen qamtamasyz etilgen adam quqyqtary men bostandyqtarynyń iske asýy týraly, halyqaralyq standarttarǵa sáıkes adam quqyqtaryn qorǵaý men qamtamasyz etýdiń ulttyq tetikterin odan ári jetildirý jaıynda keńinen pikir almasý boldy.
Dóńgelek ústelge qatysýshylardyń jasaǵan baıandamalary men sóılegen sózderinde halyqaralyq quqyqtyń normalaryn ulttyq zańnamaǵa engizý máseleleri, adam quqyqtaryn qorǵaýdyń halyqaralyq jáne ulttyq tetikterin jetildirý, sondaı-aq, adam quqyqtaryn sotta jáne sottan tys ınstıtýttarda qorǵaýdyń ózekti máseleleri aıtyldy.
Talqylaýǵa qatysqan halyqaralyq jáne ulttyq sarapshylar Qazaqstandaǵy quqyq qorǵaý tetikterine oń baǵalaryn berdi.
Dóńgelek ústelge qatysýshylar Adam quqyqtarynyń jalpyǵa birdeı deklarasııasynyń máni týraly jáne adam quqyqtary salasynda Qazaqstan ratıfıkasııalaǵan halyqaralyq kelisimsharttardyń quqyq qorǵaý tetikterin jetildirýdegi jáne adam quqyǵyn qorǵaýdyń ulttyq júıesin nyǵaıtýdaǵy mańyzdy rólin atap ótti.
Dóńgelek ústel aıaqtalǵan soń Komıssııa tóraǵasy Q.Sultanov pen BUU-nyń Qazaqstandaǵy Turaqty úılestirýshisi S.Týll BAQ ókilderine qysqasha suhbat berdi.
«Egemen-aqparat».