Qazaqstan Respýblıkasy Prezıdentiniń О́kimi
«Mereıli otbasy» ulttyq konkýrsy týraly
О́negeli qundylyqtardy jáne otbasy men nekeniń jaǵymdy beınesin sanaǵa sińirý, otbasy mártebesin arttyrý maqsatynda:
1. «Mereıli otbasy» ulttyq konkýrsy (budan ári – konkýrs) jyl saıyn ótkiziletin bolyp belgilensin.
2. Konkýrstyń laýreaty ataǵyn berý jónindegi komıssııa (budan ári – Komıssııa) qurylsyn.
3. Qosa berilip otyrǵan:
1) Komıssııa týraly ereje;
2) Komıssııanyń laýazymdyq quramy bekitilsin.
4. Qazaqstan Respýblıkasynyń Úkimeti:
1) Konkýrsty ótkizý qaǵıdalaryn bekitsin;
2) osy ókimdi iske asyrý jóninde ózge de sharalar qabyldasyn.
Qazaqstan Respýblıkasynyń Prezıdenti N.NAZARBAEV.
Astana, Aqorda, 2013 jylǵy 6 jeltoqsan. №250
Qazaqstan Respýblıkasy Prezıdentiniń 2013 jylǵy
6 jeltoqsandaǵy № 250 ókimimen bekitilgen
«Mereıli otbasy» ulttyq konkýrsynyń laýreaty ataǵyn berý jónindegi komıssııa týraly ereje
1. Jalpy erejeler
1. «Mereıli otbasy» ulttyq konkýrsynyń laýreaty ataǵyn berý jónindegi komıssııa (budan ári – Komıssııa) ortalyq memlekettik organdar basshylarynyń qatarynan jáne Qazaqstan Respýblıkasy Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa tóraǵasy aıqyndaıtyn onyń bes múshesinen qalyptastyrylady.
Komıssııanyń laýazymdyq quramyn Qazaqstan Respýblıkasynyń Prezıdenti bekitedi.
2. Komıssııa óz qyzmetinde Qazaqstan Respýblıkasynyń Konstıtýsııasyn, Qazaqstan Respýblıkasynyń zańdaryn, Qazaqstan Respýblıkasy Prezıdentiniń aktilerin jáne Qazaqstan Respýblıkasynyń ózge de normatıvtik quqyqtyq aktilerin, sondaı-aq osy Erejeni basshylyqqa alady.
3. Qazaqstan Respýblıkasy Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń (budan ári – Ulttyq komıssııa), sondaı-aq Astana jáne Almaty qalalary, oblystar ákimderiniń janyndaǵy áıelder isteri jáne otbasylyq-demografııalyq saıasat jónindegi komıssııalardyń (budan ári – óńirlik komıssııalar) qoldaýymen Qazaqstan Respýblıkasynyń Mádenıet jáne aqparat mınıstrligi, Qazaqstan Respýblıkasynyń Eńbek jáne halyqty áleýmettik qorǵaý mınıstrligi konkýrstyń uıymdastyrýshylary bolyp tabylady.
2. Komıssııanyń mindetteri men quqyqtary
4. Komıssııanyń mindetteri:
1) «Mereıli otbasy» ulttyq konkýrsynyń (budan ári – konkýrs) laýreaty ataǵyna úmitkerlerdiń (budan ári – úmitkerler) materıaldaryn qaraý;
2) konkýrstyń jeńimpazyn aıqyndaý bolyp tabylady.
5. Komıssııanyń:
1) konkýrsty ótkizýge qatysty máseleler boıynsha memlekettik organdarmen jáne ózge de uıymdarmen, sondaı-aq qoǵamdyq birlestiktermen ózara is-qımyl jasasýǵa;
2) konkýrsty uıymdastyrýshylardan Komıssııanyń mindetterin iske asyrý úshin qajetti qosymsha materıaldardy suratýǵa jáne alýǵa quqyǵy bar;
3) Komıssııaǵa júktelgen mindetterdi júzege asyrý úshin qajetti ózge de quqyqtary bar.
3. Komıssııanyń qyzmetin uıymdastyrý
6. Komıssııa quramyna:
1) Komıssııa tóraǵasy;
2) Komıssııa tóraǵasynyń orynbasary;
3) Komıssııa hatshysy;
4) Komıssııa músheleri kiredi.
7. Komıssııa tóraǵasy onyń qyzmetine basshylyq jasaıdy, otyrystarda tóraǵalyq etedi, onyń jumysyn josparlaıdy, onyń sheshimderiniń iske asyrylýyn jalpy baqylaýdy júzege asyrady. Komıssııa tóraǵasy bolmaǵan ýaqytta onyń fýnksııalaryn orynbasary atqarady.
Dıplom men aıyrym belgisiniń (músinsheni) sıpattamasyn Komıssııa tóraǵasy bekitedi.
8. Komıssııa hatshysy Komıssııa músheleriniń qaraýyna jumys organy daıyndaǵan qujattar men materıaldardy usynady.
9. Komıssııanyń jumys organy Qazaqstan Respýblıkasynyń Mádenıet jáne aqparat mınıstrligi bolyp tabylady.
10. Komıssııanyń jumys organyna mynadaı fýnksııalar júkteledi:
1) buqaralyq aqparat quraldary men konkýrsty uıymdastyrýshylardyń resmı ınternet-resýrstary arqyly konkýrsty ótkizýdiń merzimderi men sharttary týraly habarlaý;
2) Komıssııa otyrystaryn daıyndaý jáne uıymdastyrý;
3) konkýrs laýreattaryn marapattaý saltanatyn uıymdastyrý;
4) konkýrs laýreattarynyń tájirıbesin taratýǵa járdemdesý.
11. Komıssııa otyrystary qajettiligine qaraı ótkiziledi, biraq jartyjyldyqta bir retten jıi ótkizilmeıdi. Komıssııa otyrysyna onyń músheleriniń jalpy sanynyń keminde úshten ekisi qatysqan jaǵdaıda ol zańdy dep sanalady.
12. Komıssııanyń konkýrs laýreaty ataǵyn berý týraly sheshimi otyrys hattamasymen resimdeledi jáne oǵan Komıssııanyń qatysyp otyrǵan barlyq músheleri qol qoıady.
13. Komıssııanyń qyzmetin toqtatý týraly sheshimdi Qazaqstan Respýblıkasynyń Prezıdenti qabyldaıdy.
Qazaqstan Respýblıkasy Prezıdentiniń 2013 jylǵy
6 jeltoqsandaǵy № 250 ókimimen bekitilgen
«Mereıli otbasy» ulttyq konkýrsynyń laýreaty ataǵyn
berý jónindegi komıssııanyń laýazymdyq quramy
Qazaqstan Respýblıkasy Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraǵasy, tóraǵa
Qazaqstan Respýblıkasynyń Mádenıet jáne aqparat mınıstri, tóraǵanyń orynbasary
Qazaqstan Respýblıkasy Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń hatshysy, Komıssııa hatshysy
Qazaqstan Respýblıkasynyń Eńbek jáne halyqty áleýmettik qorǵaý mınıstri
Qazaqstan Respýblıkasynyń Kólik jáne kommýnıkasııa mınıstri
Qazaqstan Respýblıkasy Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń 5 múshesi.