Kınoındýstrııa salasynda balalardy qyzyqtyratyn janrdyń biri – mýltfılm. Al ózge tildegi mýltfılmderdi balalardyń ózi qazaqsha dýblıaj jasasa she? Atyraýdaǵy Nazarbaev zııatkerlik mektebiniń oqýshylary anımasııalyq fılmderdi qazaq tiline aýdarý arqyly dybystaýdy qolǵa aldy. Maqsat – qazaqtildi kontentti damytyp, dýblıaj isin nasıhattaý.
– Qashyqtan oqytý bastalǵaly beri bos ýaqytymyz kóbeıdi. NIS Graphics klýbynyń músheleri arasyndaǵy baılanysty úzbeý úshin birneshe mýltfılmdi qazaq tiline aýdaryp, olardy dybystaýdy qolǵa aldyq, – deıdi klýbtyń negizin qalaýshy, Nazarbaev zııatkerlik mektebiniń 10-synyp oqýshysy Arýjan Eldosova.
Dýblıaj isine qyzyqqan oqýshylar dybystaǵan týyndylardyń arasynda «Moı malenkıı Ponı», «Holodnoe serdse» jáne «Sýperkroshka» mýltfılmderi bar. Oqýshylar anımasııalyq keıipkerlerdiń áńgimesin ilespe aýdarmamen aýdaryp, sapaly dýblıaj jasaý isine mashyqtanyp jatyr.
– Bul – bizdiń alǵashqy tájirıbemiz. Soǵan qaramastan, dýblıajdyń sapasy talapqa sáıkes bolýyna basa nazar aýdaryp otyrmyz. О́ıtkeni keıipkerlerdiń minezi men emosııasyn sol kúıinde jetkizý úshin tolyq rólge ený kerek. Bolashaqta dybystaýdy sapaly deńgeıge kóterip, uzaqmetrajdy fılmderdi qazaq tiline aýdarýdy kózdep otyrmyz, – dedi Arýjan Eldosova.
NIS Graphics klýbynyń músheleriniń aıtýynsha, elimizge sheteldik medıaónimder kesh jetkiziledi. Ǵalamtorda qazaqstandyq kórermen úshin ana tilimizge aýdarýdy qajet etetin fılmder áli de kóp. Sol sebepten atyraýlyq oqýshylar ǵalamtor keńistiginde qazaq tildi medıaónimniń kóbeıýine úles qospaq.
Atyraý oblysy