Byltyr Qostanaı oblysynda «Atameken» kásipkerlik palatasy uıymdastyrǵan «Bastaý» kýrstarynda 1 400 adam bilim aldy. Búginge deıin «Bastaýdyń» 773 túlegi aýyl sharýashylyǵy, turmystyq qyzmet kórsetý jáne shaǵyn óndiris salasynda jeke kásip ashqan.
«Karantın jaǵdaıynda engizilgen shekteý sharalaryna baılanysty byltyr jobany «Atameken Academy» portaly arqyly onlaın rejimde júzege asyrdyq. «Bastaý» boıynsha bilim alǵandardyń 637-si er adamdar, 763-i áıelder. 737 túlek áleýmettik jaǵynan az qamtylǵan turǵyndar qataryna jatady, onyń ishinde NEET sanatyndaǵy 437 jas bar. Sondaı-aq, ótken jyly «Bastaýdan» turmysy tómen otbasy músheleri bolyp sanalatyn 30, kóp balaly otbasylardan shyqqan 166 adam jáne eńbekke qabiletti múmkindigi shekteýliler sanatyna jatatyn 52 adam bilim aldy», deıdi oblystyq kásipkerler palatasynyń dırektory Murat Ábenov.
Karantınge qaramastan kásip ashýǵa nıettengen 773 adamǵa memleket qoldaý kórsetti. 224 turǵyn jalpy kólemi 798 mln teńge jeńildetilgen nesıe alsa, 556 adam «Eńbek» memlekettik baǵdarlamasy aıasynda 200 AEK mólsherindegi grant ıelendi. Sonymen qatar 5 adam «Bıznestiń jol kartasy-2025» baǵdarlamasy boıynsha jalpy kólemi 21,6 mln teńgeniń grantyn aldy.
Jalpy, Qostanaı oblysynda sońǵy 4 jyl ishinde «Bastaýdan» bilim alǵan 8 876 adamnyń 2 923-i jeke kásip ashqan. Olardyń ishinde kásibin keńeıtkender de bar.
Qostanaı oblysy