Pavlodar oblysynda 14 jasar oqýshyny óltirdi degen kúdikpen qamaýǵa alynǵan Vıktor Baharevtiń qylmysyn arnaıy keshendi júrgizilgen saraptama qorytyndysy dáleldep berdi. Bul týraly «Astana» telearnasy habarlady.
Esterińizde bolsa, Evgenevka aýylynda iz-tússiz joǵalyp ketken 8-synyp oqýshysy Anastasııa Sharıpovanyń máıiti araǵa eki aptaǵa jýyq ýaqyt salyp tabylǵan bolatyn. Osy oqıǵaǵa baılanysty tergeý amaldaryn júrgizgen tártip saqshylary basty kúdikti retinde V. Baharevti qolǵa túsirgen edi. Sol kezde onyń ózi de jasaǵan qylmysyn moıyndady. Alaıda, marqum bolǵan qyzdyń ata-anasy V. Baharevtiń kináli emestigin aıtyp, balamyzdy óltirgen adam jasyrynyp júr degen-di. Jaqyn arada Astanadaǵy medısınalyq saraptama ortalyǵynda jasalǵan genetıkalyq saraptama kúdiktiniń osy iske qatysy bolǵanyn dáleldep berdi. Sondyqtan quqyq qorǵaý qyzmetkerleri bul oqıǵa tóńireginde aıtylǵan basqalaı pikirlerdi qańqý sózge jatqyzyp otyr.
Baqytbek Keneshuly.
Derekkóz: «Astana» telearnasy.