Qazaq tildi saıttar arasynda tuńǵysh ret ótken "Qaznet-doda" baıqaýynyń jeńimpazdary anyqtaldy. 9 atalym boıynsha uıymdastyrylǵan saıysta 92 saıttyń arasynan «Nurmedıa» holdınginiń «Munara.kz» saıty birinshi oryndy ıelendi. Bul týraly Egemen.kz tilshisi habarlady. Jalpy, álem boıynsha aqparat almasýdyń jańa túri –ınternet jelisi qoldanysqa engeli ony tutynýshylar qatary jyl saıyn artyp keledi. Bul júıeniń tehnıkalyq múmkindigin arttyrý, jańa baǵdarlamalardy engizý bilikti mamandardyń kómegimen júzege asyrylyp jatyr. Al osy mindetter baıqaýda basty talap retinde alǵa qoıyldy.
Saıystyń oıdaǵydaı ótkizilýine respýblıkalyq «Egemen Qazaqstan» gazeti ,«Beeline Qazaqstan» kompanııasy men «Etalon-avtoresýrs» JShS demeýshilik jasady. «Qazir bizde ınternet júıesin damytýdyń naqty bir isi qolǵa alyndy. Bul jerde aqparatty ornalastyrý men saqtaýdyń mańyzy aldyńǵy kezekke shyǵyp otyr.Sondaı-aq, barlyq qurylymdarǵa tıimdiligin tıgizetin baǵdarlamalardyń orny erekshe. Sondyqtan bizdiń kompanııa osy isti júıeleý maqsatyn kózdegen saıysqa qoldaý kórsetti»,-deıdi «Beeline Qazaqstan» kompanııasynyń qoǵammen baılanys jónindegi menedjeri Qyrmyzy Tórebaeva.
Astana ınternet forýmy aıasynda Nazarbaev Zııatkerlik mektebinde ótkizilgen saıysta buqaralyq aqparat quraldarynyń ókilderi, jalpy kópshilik qaýym qazaq tildi ınternetti meńgerýdiń tásilin úırendi. Qorytyndysynda jeńimpazdarǵa baǵaly syılyqtar tabys etildi.
Ámirhan Almaǵanbetov.
Derekkóz: Egemen.kz