Memlekettik tildi damytý qorynyń uıymdastyrýymen qazaq tildi saıttardyń ulttyq syılyǵy baıqaýy ótkizildi. Bul týraly Memlekettik tildi damytý qorynyń baspasóz qyzmeti habarlady.
Baıqaýdyń basty maqsaty – táýelsizdik jyldary qalyptasqan qundylyqtarymyzdy dáriptep júrgen saıttardy yntalandyrý. Osy oraıda, saıysqa qatysýǵa 12 ótinish kelip túskenin atap ótkimiz keledi. Al saıttardyń úzdigi 5 atalym negizinde anyqtaldy. Máselen, «О́tkir til» atalymy boıynsha memlekettik til men ulttyq qundylyqtardy úzdik nasıhattaýshy bolyp ult.kz aqparattyq portaly tańyldy.Sonymen birge, «Rýhanı azyq» atalymy boıynsha ádebıet pen mádenıetti tereńdetip jazǵan massagan.kz saıty, «Tereń izdenis» atalymynda (tarıh jóninde) abay.kz, al «Shynaıy ómir» atalymynda (qoǵamdaǵy ózekti máseleler) minber.kz jáne «Sport tynysy» atalymy boıynsha (sport jáne salaýatty ómir saltyn nasıhattaý) alasharena.kz saıty úzdikter qatarynan kórindi. Jalpy, saıysta jeńimpaz atanǵandardyń árbirine «Samuryq-Qazyna»UÁQ» AQ- bólgen 150 myń teńge men Memlekettik tildi damytý qorynyń arnaıy dıplomy berildi.
Osy baıqaýdyń meımany retinde qatysqan Parlament Májilisiniń depýtaty Nurtaı Sabılıanov pen «Eýrazııa» birinshi arnasy» bas dırektorynyń birinshi orynbasary Muhtar Erman úzdik saıttar ujymyna shyǵarmashylyq tabys tiledi..
Baqytbek Keneshuly.
Derekkóz: Memlekettik tildi damytý qory