Qazaqstannyń Tuńǵysh Prezıdenti Nursultan Nazarbaev premer-mınıstr Asqar Mamındi qabyldady, dep habarlaıdy Egemen.kz Elbasy.kz saıtyna silteme jasap.
Kezdesý barysynda Elbasyna 2020 jyly áleýmettik-ekonomıkalyq jáne sanıtarlyq-epıdemıologııalyq jaǵdaıdy turaqtandyrý boıynsha qabyldanǵan sharalardyń nátıjeleri týraly aıtyldy.
Qazaqstannyń Tuńǵysh Prezıdenti Úkimettiń jumysy 2020 jyly koronavırýs pandemııasyna baılanysty kúrdeli jaǵdaıda ótkenin atap ótti.
«Elbasy ulttyq ekonomıkanyń turaqtylyǵyn saqtaý jáne strategııalyq damý baǵdarlamalaryn iske asyrý boıynsha úkimettiń ýaqtyly qabyldaǵan sharalaryn kórsete otyryp, negizgi makroekonomıkalyq kórsetkishterdiń ósýin atap ótti.Premer-mınıstrdiń málimetinshe, negizgi kapıtalǵa salynǵan ınvestısııalar 17 paıyz, jumyssyzdyq 5 paıyz boldy. Bul rette jeńil ónerkásipte 16 paıyzǵa, farmasevtıkada 40 paıyzǵa, mashına jasaýda 16 paıyzǵa, qurylysta 12,5 paıyzǵa jáne basqa salalarda ósim baıqaldy», delingen habarlamada.