Qarjy mınıstrligi Memlekettik kirister komıtetiniń habarlaýynsha, Qazaqstan Respýblıkasynyń salyq zańnamasyna aksızdeletin taýarlarǵa salynatyn salyqqa qatysty birqatar ózgeris engiziledi.
Atap aıtqanda, temeki ónimderine aksızderdiń stavkalary kezeń-kezeńimen ósedi. Iаǵnı temeki ónimderiniń zańsyz aınalymynyń taralýyn boldyrmaý maqsatynda temeki ónimderine aksız stavkalaryn kezeń-kezeńimen arttyrý kózdelgen.
Eýrazııalyq ekonomıkalyq odaqqa múshe memleketterdiń aýmaqtarynda ótkiziletin temeki ónimine arnalǵan aksızder stavkalaryn úılestirý (sáıkestendirý) «Eýrazııalyq ekonomıkalyq odaqqa múshe memleketterdiń temeki ónimine arnalǵan aksızder salasynda salyq saıasatyn júrgizý qaǵıdattary týraly Kelisim» (Úkimettiń 2019 jylǵy 9 jeltoqsandaǵy № 911 qaýlysy) sheńberinde iske asyrylady.
Engiziletin jańa normalarǵa sáıkes (2020 jylǵy 10 jeltoqsandaǵy QRZ) 2022 jylǵy 1 qańtardan bastap 2023 jylǵy 1 qańtarǵa deıin aksızderdiń stavkalary: temekige – 12 300 teńge (1000 danasyna); qyzdyrylatyn temekisi bar buıymdarǵa – 11 750 teńge (1 kg temeki qospasyna); nıkotıni bar suıyqtyqqa 8 teńgeni (1 mıllılıtr suıyqtyqqa) quraıtyn bolady. Qoldanystaǵy zańnama boıynsha 2021 jylǵy 1 qańtardan bastap 2022 jylǵy 1 qańtarǵa deıin aksız stavkalary temekige – 11000 teńge (1000 danasyna); qyzdyrylatyn temekisi bar buıymdarǵa – 7345 teńge (1 kg temeki qospasyna); nıkotıni bar suıyqtyqqa 5 teńgeni (1 mıllılıtr suıyqtyq) quraıdy.
Jańa taýarlardy aksızdeletin taýarlar tizbesine engizý boıynsha qazirgi ýaqytta gazohol, benzanol, nefras, jeńil kómirsýlar qospasy, ekologııalyq otyn túrinde EAEO elderine benzınniń eksporty ulǵaıdy, bul ishki naryqta munaı ónimderiniń tapshylyǵyna alyp keledi jáne kóleńkeli aınalymnyń ulǵaıýyna yqpal etedi. Osyǵan baılanysty, aksızdeletin taýarlar tizimine jańa taýarlar engizildi, atap aıtqanda gazohol, benzanol, nefras, jeńil kómirsýlar qospasy jáne ekologııalyq otyn.
Bul ózgertýler 2022 jyldan bastap qoldanysqa enedi.