SQO-da oqý-jattyǵý kezinde tikushaqtyń qozǵaltqyshy isten shyqty

«Aeroprakt» JShS basshylyǵynan alynǵan aldyn-ala málimetter boıynsha tómendegideı jaǵdaı anyqtaldy: VO-105 UP-ES114 áýe kemesiniń ekıpajy bekitilgen ushý josparyna sáıkes ushý tapsyrmasyn oryndady. Petropavl qalasynyń áýejaıynan 20 kılometrde 300 fýt berilgen bıiktikke kóterilgennen keıin tikushaqtyń oń qozǵaltqyshynyń ózdiginen isten shyǵýy oryn aldy. Áýe kemesiniń komandıri Petropavl qalasynyń áýejaıynda áýeden tańdalǵan alańǵa májbúrli túrde qonýǵa sheshim qabyldady. Májbúrli qonýdy oryndaý aldynda ekıpaj «Qazaeronavıgasııa» RMK ÁQQ dıspetcherine qozǵaltqyshtyń isten shyǵýy týraly baıandady.   Tikushaqtyń qonýy 13:38-de sátti oryndaldy. Zardap shekkender joq.   Avıasııalyq oqıǵa kezinde áýe kemesiniń bortynda ushqysh-nusqaýshy jáne áýe kemesiniń komandıri bolǵan.   QR IIDM avıasııalyq oqıǵalar men ınsıdentterdi tekserý basqarmasynyń qyzmetkerleri osy avıasııalyq oqıǵaǵa tekserý júrgizýge kiristi.