Májiliste «Qazaqstan Respýblıkasy men Aýǵanstan Islam Respýblıkasy arasyndaǵy yntymaqtastyqtyń zamanaýı kezeńi» degen ataýmen dóńgelek ústel ótti. Onda taraptar qazaq-aýǵan ózara baılanysynyń ózekti baǵytyn talqylady.
Májiliste «Qazaqstan Respýblıkasy men Aýǵanstan Islam Respýblıkasy arasyndaǵy yntymaqtastyqtyń zamanaýı kezeńi» degen ataýmen dóńgelek ústel ótti. Onda taraptar qazaq-aýǵan ózara baılanysynyń ózekti baǵytyn talqylady.
Qazaqstan-Aýǵanstan parlamentshileri, Qazaqstan memlekettik organdarynyń basshylary, sarapshylary parlamentaralyq yntymaqtastyq, saýda-ekonomıkalyq, áleýmettik, mádenı-gýmanıtarlyq saladaǵy baılanystardy keńeıtý máseleleri boıynsha pikir almasty. Sonymen birge, aımaqtaǵy turaqtylyq pen qaýipsizdik máselelerine de basa nazar aýdaryldy.
Dóńgelek ústelge qatysýshylardyń pikirinshe, keler jyldyń sáýir aıynda Aýǵanstanda ótetin prezıdenttik saılaýǵa, qaýipsizdikke aralasatyn Halyqaralyq kúshter kontıngentiniń shyǵarylýyna baılanysty atalǵan másele óte ózekti.
Eldegi saılaýaldy jaǵdaımen tanystyrǵan aýǵanstandyq parlamentshiler Qazaqstannyń kómek kórsetýi arqasynda óz elderinde oń ózgerister bolyp jatqanyn málimdedi. Aýǵanstan Islam Respýblıkasy Parlamenti Volesı Djırgasynyń vıse-spıkeri Mohammad Saldjýkı Qazaqstan Prezıdentine Aýǵanstanǵa kórsetip otyrǵan qoldaýy úshin, mańyzdy áleýmettik, gýmanıtarlyq kómekteri úshin alǵysyn bildirdi.
– Qazaqstan Prezıdenti Nursultan Nazarbaevtyń bastamasynyń arqasynda bizdiń memleketimizge jyl saıyn ekonomıkalyq, bilim berý, joldar salý men densaýlyq saqtaý salalaryna kómek kórsetilip keledi, – dep atap ótti M.Saldjýkı.
Qazaqstan Parlamenti Májilisiniń Halyqaralyq ister, qorǵanys jáne qaýipsizdik komıtetiniń tóraǵasy Máýlen Áshimbaev barlyq saladaǵy qoldaýdyń mańyzyna toqtala kelip, búgingi jaǵdaıdaǵy asa mańyzdy mindet – Aýǵanstandy saýda-ekonomıkalyq, kólik-kommýnıkasııalyq, t.b. júıelerde aımaqtyq yntymaqtastyqqa tartý ekenin atap ótti. Sonymen qatar, májilismen Aýǵanstanmen aradaǵy parlamentaralyq yntymaqtastyqty jandandyra túsýge de erekshe nazar aýdardy.