Birinshi orta salmaqta óner kórsetetin qazaqstandyq kásipqoı boksshy Sadrıddın Ahmedov 30 qańtarda tórt birdeı beldik úshin judyryqtasady.
Buǵan deıin Meksıkada ótetin boks keshinde jerlesimiz nıderlandtyq Stıven Danomen birinshi orta salmaqtaǵy WBA Continental beldigin sarapqa salady dep habarlanǵan bolatyn. Alaıda kúni keshe Journaldemontreal.com basylymy eki boksshy taǵy úsh belbeý úshin, ıaǵnı NABF, WBC Francophone jáne NABO tujyrymy boıynsha judyryqtasatynyn habarlady.
31 jastaǵy Stıven Dano búginge deıin 23 márte rıngke kóterilip, 17 ret jeńiske jetken. Alty qarsylasyn nokaýtpen utyp, úsh kezdesýde jeńilip qalǵan. Taǵy úsh básekede teń esep tirkeldi. Al 22 jastaǵy Sadrıddın Ahmedov kásipqoılar arasynda 11 jekpe-jek ótkizip, barlyǵynda jeńiske jetken. 10 qarsylasyn merziminen buryn tize búktirgen. Jerlesimizdiń enshisinde WBC nusqasy boıynsha jastar arasyndaǵy álem chempıony degen ataǵy bar.