«Aq joldyń» úgit-nasıhat naýqany aıasynda «Polemıkalyq ekonomıka» jınaǵy jaryq kórdi. Partııanyń respýblıkalyq shtabynda jınaqtyń tusaýkeseri ótti.
«Aq jol» saılaýaldy baǵdarlamasyn iske asyrý jónindegi 2016 jylǵy jumysy, onyń parlamenttik fraksııasynyń qyzmeti týraly materıaldar jınaǵy «Aq jol» partııasynyń úgit-nasıhat naýqany sheńberinde eki bólimnen turatyn jınaq retinde jaryq kórdi. Jınaqta «Aq jol» partııasynyń tóraǵasy Azat Perýashevtyń sóılegen sózderiniń, jarııalanym- darynyń avtorlyq mátinderi, fraksııanyń depýtattyq saýaldary qamtylǵan.
«Aq jol» partııasy men onyń kóshbasshysynyń naryqtyq ekonomıkany damytý jáne jeke bıznestiń múddelerin qorǵaý jónindegi qyzmeti basty nazarda. Sonymen birge olar táýelsizdikti nyǵaıtý jáne demokratııalyq ınstıtýttar arqyly ulttyq múddeni damytý mindetterine jaýapkershilikpen qaraıdy.
Jınaqta «Aq jol» partııasynyń negizgi baǵdarlamalyq baǵyttaryna jeke-jeke toqtalǵan: kásipkerlikti qoldaý, qazaqstandyq qoǵamdy demokratııalandyrý, sybaılas jemqorlyqqa qarsy kúres jáne ózge de bólimderge toqtalǵan.
«Aq jol» fraksııasy jumysynyń qorytyndysy boıynsha besinshi shaqyrylymda jarııalanǵan osyndaı jınaqqa qaraǵanda, búgingi jaryqqa shyǵarylyp otyrǵan basylymda materıaldar 2 ese kóp. Bul fraksııanyń 6 shaqyrylymdaǵy erekshe belsendiligin kórsetedi. Kitap bizdiń bolashaq jumysymyzda da jaqsy kómekshi bolatynyna senimdimiz», dep atap ótti Azat Perýashev.
«Polemıkalyq ekonomıka» jınaǵy ekonomıster men saıasattanýshylarǵa, qazirgi Qazaqstannyń memlekettik jáne ekonomıkalyq qurylys úrdisterine, sondaı-aq elimizdiń búgini men bolashaǵy týraly pikirtalastarǵa qyzyǵýshylyq tanytatyn árbir adamǵa qyzyq bolmaq.
Saılaýǵa birneshe kún qalǵanda saıası partııanyń úgit-nasıhat jumysy arta túspese, báseńdemedi. Osy ýaqytqa deıin elimizdiń óńirlerin aralap, halyqpen kezdesken partııa belsendileri olardyń muń-muqtajyn tyńdap, alańdatqan suraqtaryna jaýap berýge tyrysty. Olardyń ishinde eń ózekti degen máseleler áleýmettik salaǵa tikeleı baılanysty. Qarapaıym jumysshynyń, jastardyń turǵyn úıge qol jetkizý múmkindigi, nesıe alýy jáne ózge de problemalar bar. Aqjoldyqtar úgit-nasıhat kezinde Shyǵys Qazaqstan, Mańǵystaý, Batys Qazaqstan, Túrkistan, Qostanaı, Aqtóbe, Jambyl oblystary men Shymkent, Almaty, Nur-Sultan qalalarynyń saılaýshylarymen kezdesip, partııanyń saılaýaldy baǵdarlamasyn tanystyrdy.
Odan bólek partııa belsendileri qazirgi epıdemııalyq ahýaldy eskere otyryp, «Esikten esikke» aksııasyn da qolǵa aldy. «Aq jol» partııasy óziniń saılaýaldy úgit-nasıhat jumysynda kásipkerlerge erekshe nazar aýdardy. Eldegi shaǵyn jáne orta bıznesti damytý, jeke kásipkerlikti qoldaý máselesi – partııa baǵdarlamasynyń negizgi baǵyttarynyń biri.
Saıası naýqanda partııanyń jastar qanaty da asa belsendilik tanytty. Almaty, Mańǵystaý óńirleriniń jastary «Aq joldy» qoldap, arnaıy naýqan uıymdastyrdy.