О́tken jyly Almatyda qol jetimdi baspanamen qamtamasyz etý jumystary birneshe memlekettik jáne qalalyq turǵyn úı baǵdarlamalary boıynsha júzege asty.
Máselen, qala ákimi Baqytjan Saǵyntaevtyń bastamasy boıynsha qolǵa alynǵan «Almaty jastary»baǵdarlamasy aıasynda jas otbasylarǵa 949 páter berildi. Bul baǵdarlamaǵa bilim, densaýlyq saqtaý, mádenıet, sport, áleýmettik salalar men BAQ-ta jumys isteıtin jastar, sonymen qatar JOO men ǴZI-nyń qyzmetkerleri qatysty.
Taǵy 432 páterdi «Shańyraq»baǵdarlamasynyń sharttaryna sáıkes kezekte turǵandar aldy, al 360 otbasy Turǵynúıqurylysjınaqbanki arqyly jeńildetilgen nesıe sharttary boıynsha baspanaly boldy.
Kópbalaly jáne tolyq emes otbasylardyń, sondaı-aq múgedek balalardy tárbıelep otyrǵan otbasylardyń ókilderi «Baqytty otbasy» baǵdarlamasy boıynsha jyl ishinde 365 páter aldy.
Kommýnaldyq turǵyn úı qorynan 429 páter halyqtyń áleýmettik osal toptarynyń ókilderi men kóp balaly otbasylarǵa bólindi.
О́tken jyly barlyǵy 2535 almatylyq otbasy qol jetimdi baspanamen qamtamasyz etildi. Bul jumys aldaǵy jyly da jalǵasady.
Baǵdarlamalardyń sharttary men aǵymdaǵy habarlandyrýlarmen Almaty qalasy turǵyn úı saıasaty departamentiniń www.uzh-almaty.kz saıtynda tanysýǵa bolady.