Ýkraınada búginnen bastap qatań karantın sharalary engizildi, dep habarlaıdy Egemen.kz
Koronavırýs juqtyrǵandar sanynyń jartysyn qysqartýǵa baǵyttalǵan karantın shekteýleri 24 qańtarǵa deıin jalǵasady. Budan basqa, el úkimeti 28 aqpanǵa deıin jalpyulttyq karantın men tótenshe jaǵdaı rejımin uzartty. Bul shekteýler buǵan deıin ótken jyldyń sońyna deıin bolǵan.
Qatań lokdaýn engizilgennen keıin mektepter men JOO jabylady, biraq balabaqsha jumys isteıdi. Kópshilik jınalatyn sharalardy ótkizýge tyıym salynady. Sondaı-aq, barlyq bazardyń jumysy toqtatyldy.
Oıyn-saýyq, mádenıet mekemeleri de tolyq jabyldy. Kafe, bar, meıramhanalar tamaqty jetkizip berý úshin ashyq, alaıda qonaqúılerdegi meıramhanalar tolyq jabyldy.