Atyraýda ıtke qatygezdik jasaý toqtar emes. Byltyr ıtti azaptaýǵa baılanysty birneshe derek tirkelgen edi. Endi mine, bul joly esirgen júrgizýshi kóligimen ıtti súırep júr, dep habarlaıdy Egemen.kz
Keshe bul týraly áleýmettik jelide vıdeo tarap, jurtshylyqtyń renishin týǵyzdy. Jurttyń jaǵasyn ustatqan oqys oqıǵa Atyraý qalasyndaǵy Azattyq dańǵylynda bolǵan.
«Atalǵan derekke baılanysty Atyraý qalasynda turatyn avtokólik júrgizýshisi anyqtalyp, ustaldy. Júrgizýshe qatysty QR Qylmystyq Kodeksiniń 316-babymen (Janýarlarǵa qatygezdik jasaý) sotqa deıingi tergeý júrgizilýde», dep málim etti oblystyq polısııa departamentiniń baspasóz qyzmetinen.