Atyraý oblysy taǵy da «qyzyl aımaqqa» endi. О́tken táýlikte óńirde 92 adam koronavırýs ınfeksııasyna shaldyqty, dep habarlaıdy Egemen.kz.
Onyń ishinde Atyraý qalasynan 24 naýqas tirkeldi. Teńiz kenishinde 57 jumysshy, Qurmanǵazy aýdanynda 11 adam qaýipti vırýsty juqtyryp otyr. Al 14 naýqasta koronavırýstyń sımptomdy túri anyqtaldy.
«О́tken táýlikte 134 adam qaýipti indetten jazylyp shyqty. Qazir 240 adam úı jaǵdaıynda emdelýde. Oblystyq ınfeksııalyq stasıonarda 98, al aýdandardaǵy stasıonarlarda 27, Teńiz kenishindegi stasıonarda 803 adam em qabyldap jatyr» dep málim etti oblystyq densaýlyq saqtaý basqarmasynyń baspasóz qyzmetinen.