Qazaqstannyń Tuńǵysh Prezıdenti – Elbasy Nursultan Nazarbaev elimizde ótip jatqan saılaý týraly pikirin aıtty, dep habarlaıdy Egemen.kz
«Qurmetti qazaqstandyqtar, otandastar! Búkil elimiz boıynsha mańyzdy saıası is-shara ótip jatyr. Biz jergilikti máslıhattar men Májilis depýtattaryn saılaımyz. Bul jaı ǵana daýys berip, ketip qalatyn naýqan emes. Bul ár azamattyń bılik tarmaqtaryn qurýǵa qatysýynyń konstıtýsııalyq mindetterin sanaly túrde oryndaýy.
Parlament jáne máslıhattar bizdiń elimizdiń, memleketimizde jumys isteıtin tıisti zańdardy qabyldaýǵa qatysady. Bıyl - Táýelsizdigimizdiń 30 jyldyǵy. Sońǵy 30 jyl ishinde kóp is atqarylǵanyn jaqsy bilesizder. Biz aýyzbirligimiz ben maqsatty jumys istegenimizdiń arqasynda memlekettiń negizin qaladyq», dedi Nursultan Nazarbaev saılaý ýchaskesinde.
Eske sala keteıik, elimizde Parlamenti Májilisi men máslıhat depýtattaryn saılaý bastaldy. Qazaqstan boıynsha 10 061 saılaý ýchaskesi jumys istep tur. Tutastaı saılaýshylardyń sany 11 mln 820 myń adamdy quraıdy. Nur-Sultan ýaqyty saǵat 10.00 boıynsha elektorattyń 11,6% daýys berip úlgerdi.