Bıylǵy Parlament Májilisi pen máslıhat depýtattarynyń saılaýyna Jetisý jurty da belsendi qatysty. Aımaqtaǵy 1053 saılaý ýchaskesine tańnan kelip, óz tańdaýyn jasaýshylar legi tolastamady, dep habarlaıdy Egemen.kz
Aıtpaqshy, bul jolǵy saıası sharada oblys jastary aldyńǵy lekten kórindi. Ásirese kámelet jasyna endi tolǵan bozbala men boıjetkender úshin saılaýda daýys berý ári qyzyqty, ári jaýapty mindet bolǵany anyq. Máselen, Úsharal qalasyndaǵy Alakól gýmanıtarlyq-tehnıkalyq kolledjinde ornalasqan №49 saılaý ýchaskesiniń tabaldyryǵyn attaǵan jas saılaýshy Asylan Mahanov daýys beretin kúndi asyǵa kútip júripti. Ol ózi alǵash ret tańdaý jasaǵan partııa el bolshaǵy úshin qyzmet etetin zańdardyń qabyldaýyna kúsh salady degen senimde.
- Bolashaq jastardyń qolynda deımiz. Sondyqtan da memleketimizdiń myzǵymas irgetasyn qalaýǵa ár qatarlasym óz úlesin qosýy tıis dep sanaımyn. Búgingi saılaý sondaı múmkindiktiń biri. Sebebi, biz óz daýysymyz arqyly erteńgi kúnge jol qalap, baǵytymyzdy aıqyndaýǵa septigimizdi tıgizbekpiz. Al mundaı taǵdyrsheshti sátte ortaq isten shet qalý azamattyǵymyzǵa syn dep bilemin. О́ıtkeni, búgingi bizdiń kishkentaı qadamymyz bolashaqtaǵy úlken jetistikterdiń bastaýy bolmaq. Bir qýantarlyǵy, saılaýǵa halyq kóptep qatysýda. О́zim daýys bergennen keıin de syrttaı baqylap turdym. Jastar da, qarııalar da kelip tańdaýlaryn jasaýda. Eń kóbi orta býyndaǵy turǵyndar. Osy rette jastardyń da tańdaý jasaýǵa degen yqylasy arta tússe degen nıettemin, - deıdi alakóldik jas saılaýshy, Halyqaralyq aqparattyq tehnologııalar ýnıversıteti jýrnalıstıka mamandyǵynyń stýdenti Asylan Mahanov.
Sondaı-aq Tekeli qalasyndaǵy №1035 saılaý ýchaskesinde Araılym Dadanbekova da alǵash ret saılaýǵa qatysyp, óz tańdaýyn jasady. Araılymnyń jasy on segizde eken. Ol Tekeli qalasynda týyp ósken, qazir Almatydaǵy Turan ýnıversıtetinde jýrnalıstıka mamandyǵy boıynsha bilim alýda.
- Búgin men úshin mańyzdy ári qýanyshty kún. Alǵash ret Májilis jáne barlyq deńgeıdegi Máslıhat depýtattaryn kezekti saılaýyna qatysyp, óz daýysymdy berdim. Bul meniń azamattyq boryshym dep sanaımyn, - dep óziniń júrekjardy tilegin jetkizdi Araılym.
Al Jambyl aýdanyndaǵy Qaraqystaq aýylynyń turǵyny Dana Mederhan saılaý ýchaskesine alǵashqylardyń biri bolyp keldi. Dana jauynda ǵana on segiz jasqa bolǵan eken. Iаǵn, bul onyń alǵashqy qatysqan saıası naýqany.
- Men Táýelsiz elimizdiń erteńi úshin daýys berýge keldim. Bul meniń alǵashqy ret saılaýǵa qatysýym. Bul saılaý maǵan Otan aldyndaǵy jaýapty mindetimdi sezindirdi, deıdi Dana Mederhan.
Bıylǵy saılaýdaǵy jastardyń belsendiligin sharaǵa baqylaýshy bolyp qatysqan jýrnalıst Lına Kálemhan da baıqaǵan eken. Ol Taldyqorǵan qalasyna qarasty Moınaq aýylyndaǵy saılaý ýchaskesine «Jastar úni» qoǵamdyq birlestiginiń atynan táýelsiz baqylaýshy retinde qatysty.
- Saılaý ýchaskesi óz ýaqytynda ashylyp, jumysyn bekitilgen tártip boıynsha bastady. Bul saılaý ýchaskesine 713 azamat tirkelip, 19 adam úıde daýys berýge ótinish bildirgen. Shara barysynda eshqandaı zańbuzýshylyqtar tirkelmedi, turǵyndar qarqyndy túrde óz tańdaýyn jasady. Ásirese jastardyń saılaýǵa qatysýy yntasy joǵary boldy, deıdi Lına Kálimhan.