Qazaqstandaǵy Parlament Májilisi depýtattarynyń saılaýyna táýelsiz halyqaralyq baıqaýshy retinde qatysyp jatqan Chehııa Respýblıkasy Parlamenti depýtattar palatasy Tóraǵasynyń orynbasary Voıteh Fılıp óz pikirimen bólisti, dep habarlaıdy Egemen.kz.
– Halyqaralyq baıqaýshy retinde Qazaqstanǵa alǵash ret kelip otyrǵan joqpyn. Sondyqtan Qazaqstannyń mundaı saıası dodalardy joǵary deńgeıde uıymdastyratynyn jaqsy bilemin. Búgin birneshe saılaý ýchaskesin aralap, osyǵan taǵy bir márte kóz jetkizdim, dedi Voıteh Fılıp.
Halyqaralyq baıqaýshy ózi aralap shyqqan saılaý ýchaskelerinde eshqandaı zań buzýshylyqtar tirkelmegenin aıtty.
– Saılaýshylardyń da belsendiligi joǵary. Tańerteńnen beri tańdaý jasaýǵa aǵylyp kelip jatyr. Sondaı-aq saıası partııalardyń belsendiligin de atap ótýge tıispin. Partııalardyń múddesin qorǵaıtyn jergilikti baıqaýshylar saılaýdyń ótý barysyn muqııat baqylap otyr, dedi Chehııa Respýblıkasy Parlamenti depýtattar palatasy Tóraǵasynyń orynbasary.