«Amanat» azamattyq platformasy shtabynyń jetekshisi Qazybek Shaıh Almaty qalasynyń jalpyqalalyq baspasóz ortalyǵynda ótken brıfıngte Parlament Májilisi men jergilikti máslıhattar depýtattarynyń kezekti saılaýy kezinde jalǵan aqparattyń taratylǵany týraly aıtty, dep habarlaıdy Egemen.kz
Q.Shaıh atap ótkendeı, parlamenttik saılaý kúni jalǵan aqparattyń taratýyn kútýge bolady.
«Búgin bizde barlyq jalǵan aqparat tek saılaýǵa arnalady. Bul qalypty prosess. Bul jalǵan dep ataýǵa bolatyn kez-kelgen aqparattyń dıagnozy. Ol árdaıym aǵymdaǵy oqıǵaǵa baılanysty. Búgin, erteń, erteńniń arǵy kúni saılaýǵa baılanysty barlyq jalǵan aqparat taratylady», dep ol senimdi túrde aıtty.
Mysal retinde ol bir ret saılaýda bolǵan bir oqıǵany keltirdi.
«Daýys berý kabınasynda sııa óshirilgen degen jaǵdaı boldy. Adam kabınaǵa kirip, ol jerde 15 mınýt bolǵannan keıin, shyǵyp, sııanyń ottyqpen jeńil óshirilgenin bárine kórsete bastady. Bul qalypty jaǵdaı emes. Ol adamnyń jaı ǵana haıp jasaǵysy kelgeni belgili. Sııany aýystyrý - on mınýttyq másele», dedi ol.
Q. Shaıh jýrnalısterdi dúrlikpe aqparattyń sońynan ermeı, taralǵan aqparatty naqty tekserýge shaqyrdy.
«Biz jalǵan aqparattarmen kúresýshilerdiń qaýymdastyǵyn qurdyq. Jalǵan aqparat - bul bir jaǵy bolsa, sonymen birge trollder de bar. Jalǵan aqparattar adamdardy adastyrý úshin ǵana emes, sonymen birge kishkentaı, aram pıǵyldy trollıng arqyly adamnyń ómirin buzý úshin de taralady. Bul túbegeıli durys emes jáne biz qoǵam retinde onymen kúresýimiz kerek», dedi Q. Shaıh.
Onyń aıtýynsha, adamdar bir-birimen esep aıyrysqysy kelgende áleýmettik jelilerde kóptegen jalǵan aqparat taratady. Búgingi tańda kez-kelgen adam ártúrli mazmundaǵy aqparatty bere alady.
«Olar uıaly telefonǵa qatty urandatyp, jalǵan beıne túsiredi. Biraq anyqtaı bastaǵanda jalǵan aqparat ekeni belgili bolady», dedi ol.
Sondaı-aq, keıbir adamdar eski aqparatty, mysaly, burynǵy vıdeony qazir ǵana túsirgendeı ony búgingi kúnmen beredi. Onyń aıtýynsha, barlyq adamdar oǵan mán berip, túsine bermeıdi jáne ókinishke qaraı, odan durys qorytyndy shyǵarmaıdy.