Exit poll - azamattarǵa saılaý ýchaskesinen shyǵar kezinde júrgizilgen saýalnama nátıjesi jarııalandy. Qorytyndy boıynsha QR Parlamenti men máslıhattar depýtattaryn saılaýda «Nur Otan» partııasy saılaýshylardyń 71,97 paıyz daýysyn ıelendi, dep habarlaıdy Egemen.kz
«Qoǵamdyq pikir» zertteý ınstıtýtynyń dırektory Aınur Májıtovanyń dereginshe, respondentterdiń 5,75 paıyzy «Aýyl» halyqtyq-demokratııalyq patrıottyq partııasyna, 71,97 paıyzy «Nur Otan» partııasyna, 3,07 paıyzy «ADAL» saıası partııasyna, 10,18 paıyzy Qazaqstannyń «Aq jol» demokratııalyq partııasyna, 9,03 paıyzy «Qazaqstannyń Halyq partııasyna» daýys bergen. Saýalnama qateligi 2 paıyz shamasynda Aıta keteıik, «Qazaqstan Respýblıkasyndaǵy saılaý týraly» Konstıtýsııalyq zańnyń 28-baby 9-tarmaǵyna sáıkes kandıdatty qoldap daýys berýge qatysty qoǵamdyq pikirge suraý salý nátıjesin, boljamdary men ózge de zertteýler daýys berý kúninde jarııalaýǵa ruqsat etilmeıdi. Iаǵnı, nátıjeleri daýys berý aıaqtalǵannan keıin ǵana jarııalanýy tıis Esterińizge sala ketsek, Konstıtýsııalyq merzimge saı ótken Májilis saılaýynda elimizde tirkelgen 5 saıası partııa, atap aıtqanda, «Aýyl» halyqtyq-demokratııalyq patrıottyq partııasy, «Nur Otan» partııasy, «ADAL» saıası partııasy, Qazaqstannyń «Aq jol» demokratııalyq partııasy, «Qazaqstannyń Halyq partııasy» depýtattyq mandattan úmitti.
Bul partııalar barlyq deńgeıdegi jergilikti máslıhattarǵa da óz kandıdattaryn usynǵan. Májiliske 5 partııadan barlyǵy 312 kandıdat, onyń ishinde: «Aýyl» halyqtyq-demokratııalyq patrıottyq partııasynan 19; «Nur Otan» partııasynan 126; «ADAL» saıası partııasynan 16; Qazaqstannyń «Aq jol» demokratııalyq partııasynan 38 jáne «Qazaqstannyń Halyq partııasynan» 113 adam bar. Al jergilikti máslıhattarǵa 832, onyń ishinde «Aýyl» HDPP-nan – 158, «Nur Otan» partııasynan - 216, «ADAL» SP-nan – 215, «Aq jol» QDP-nan – 174, «Qazaqstan Halyq partııasynan» 69 partııalyq tizim tirkelgen.