Búgin oqý jylynyń úshinshi toqsany bastaldy. Alaıda, QR Parlamenti Májilisi men máslıhattar saılaýynda saılaý ýchaskeleri retinde tartylǵan bilim berý nysandaryndaǵy dezınfeksııalyq is-sharalardyń saldarynan jańa toqsannyń birinshi oqý kúninde sabaqtar qashyqtyqtan ótedi, dep habarlaıdy ákimdiktiń resmı saıty.
Elimizde 12 qańtardan bastap offlaın rejımde oqytý jalǵasady. Aıta keteıik, úshinshi toqsanda 1-5 synyp oqýshylary «kezekshi synyp» rejıminde oqýyn jalǵastyrady.
Sonymen qatar, úshinshi toqsanda bitirýshi synyptar (9, 11, 12-synyptar) kezekshi synyptar qaǵıdaty boıynsha aralas formatta (15 adamnan artyq emes) oqıdy.
Offlaın sabaqtar kestesine ınvarıantty komponent pánderi kiredi: orys tili men ádebıeti, qazaq tili men ádebıeti, shet tili, algebra, geometrııa, fızıka, hımııa, bıologııa, geografııa, Qazaqstan tarıhy jáne dúnıejúzi tarıhy. Bul oqý pánderiniń 70%-yn quraıdy.
Qalǵan 30% pánder — ınformatıka, ózin-ózi taný, dene shynyqtyrý, quqyq negizderi, alǵashqy áskerı jáne tehnologııalyq daıyndyq qashyqtyq formatta ótedi.
Mektepter ıkemdi kesteler ázirleıdi, sabaqtar arasyndaǵy ózgerister ár túrli synyptar úshin túrli ýaqytta ótedi, áleýmettik qashyqtyq úshin aýysymdar men kishi aýysymdar kóbeıedi. Bir sabaqtyń ýaqyty 5 mınýttyq úzilispen 30 mınýttan aspaıdy.
Aıta keteıik, 3 toqsanda 70 myńǵa jýyq oqýshy mektepke barady.