«Qyzyl aımaqtaǵy» eki oblystyń biri – Atyraýda ótken táýlikte taǵy 73 adam koronavırýs ınfeksııasyna shaldyqty.
Oblystyq densaýlyq saqtaý basqarmasynyń baspasóz qyzmeti taratqan aqparatqa súıensek, sońǵy eki táýlikte 127 adam qaýipti indettiń qarmaǵyna ilindi. Máselen, 9 qańtarda 54, al keshe, 10 qańtarda 73 adam koronavırýs ınfeksııasyn juqtyrdy.
«Sońǵy bir táýlikte qaýipti indetke shaldyqqan naýqastardyń 18-i Atyraý qalasynda tirkeldi. Sondaı-aq, Teńiz kenishinde 50 jumysshydan, Jylyoı aýdanynda – 3, Qyzylqoǵada – 1, Qurmanǵazy aýdanynda 1 adamnan koronavırýs anyqtaldy. Covid-19 vırýsy 16 naýqasta sımptomdy túrde ótýde. О́tken táýlikte koronavırýs ınfeksııasynan 53 adam emdelip shyqty» dep habarlady basqarmanyń baspasóz qyzmeti.
Qazir úı jaǵdaıynda 243 naýqas emdelip jatyr. Oblystyq ınfeksııalyq stasıonarda 108, aýdandardaǵy stasıonarlarda 32, Teńiz kenishindegi stasıonardaǵy naýqastar sany 812 adamdy qurap otyr.