Shtab-páteri AQSh-tyń LasVegas qalasynda ornalasqan aralas jekpe-jek álemindegi eń beldi uıym – UFC (Ultimate Fighting Championship) 2020 jyldyń qorytyndysyn shyǵardy, dep habarlaıdy Egemen.kz
Qazaq jankúıerleri úshin eń qýanyshty jaıt óz qandasymyzdyń úzdikter qatarynan kórinýi. Ondaı qurmetke Shavqat Rahmonov bólenip otyr. UFC-degi óziniń tusaýkeser kezdesýin ol byltyrǵy jyldyń qazan aıynda ǵana ótkizdi. Soǵan qaramastan maıtalman mamandar tarapynan 26 jastaǵy Rahmonovtyń óneri bas barmaqpen baǵalandy. Birikken Arab ámirlikteriniń Ábý Dabı qalasynda ótken aıtýly jarysta Shavqat tájirıbesi ábden tolysqan saqa sportshy, brazılııalyq Aleks Olıveırany birinshi raýynda-aq qylqyndyryp tastaǵany esterińizde bolar. Mine, óziniń osy asqan sheberlikpen oryndalǵan keremet ádisiniń arqasynda ol «Eń úzdik sambıshn» atalymy boıynsha ekinshi oryndy ıelendi. Al bul tartysta qazaqtyń qaısar ulynyń aldyn tek dańqty Habıb Nurmagomedov qana oraı aldy. Daǵystandyq jekpe-jek sheberiniń amerıkalyq Djastın Getjıge qarsy qoldanǵan «úshburysh» tásili teńdessiz dep tanyldy.