2020 jyly teńgeniń aıyrbastaý baǵamy bir AQSh dollary úshin 382,60 teńgeden 420,91 teńgege deıin 10 paıyzǵa quldyrady. Bul týraly Úkimet otyrysynda QR Ulttyq bank tóraǵasy Erbolat Dosaev aıtty, dep habarlaıdy Egemen.kz
«2020 jylǵy jeltoqsanda munaı baǵasynyń ósýi jáne eksporttaýshylardyń salyq tólemderin júzege asyrý úshin shetel valıýtasyn satýy esebinen ósken ishki usynyspen qatar táýekeldi aktıvterge suranystyń artýy teńgeniń aıyrbastaý baǵamynyń bir AQSh dollary úshin 425,07 teńgeden 420,91 teńgege deıin 1 paıyzǵa nyǵaıýyna múmkindik berdi. Jalpy alǵanda, 2020 jyly ulttyq valıýta damýshy elderdiń basqa valıýtalarymen qatar ınvestorlardyń táýekel aktıvterinen shyǵýyna ákelgen koronavırýstan týyndaǵan daǵdarys aıasynda álsiredi», dedi ol.
Mınıstrdiń aıtýynsha, Brazılııa realy 29, túrik lırasy 25, al Reseı rýbli 19,3 paıyzǵa álsiredi. 2020 jyly teńgeniń aıyrbastaý baǵamy bir AQSh dollary úshin 382,60 teńgeden 420,91 teńgege deıin 10 paıyzǵa quldyrady.
«Cyrtqy jaǵdaılardyń jaqsarýyna baılanysty jáne Ulttyq bank Úkimetpen birlese otyryp qabyldaǵan sharalar kesheniniń arqasynda teńgeniń aıyrbastaý baǵamy naýryzdaǵy 448,5 teńgege deıingi quldyraýyn birshama artqa qaldyryp jyldy japqanyn atap ótý mańyzdy. Bıylǵy 11 qańtarda bırjadaǵy saýda-sattyq qorytyndysy boıynsha aıyrbastaý baǵamy aıdyń basynan beri taǵy da 0,4 paıyzǵa nyǵaıyp, bir AQSh dollary úshin 419,18 teńge boldy», dedi Erbolat Dosaev.