2021 jyldyń 12 qańtarynda saǵat keshki 18:00 shamasynda Talas aýdany Maıtóbe aýylyna qarama-qarsy bettegi Qarataýdyń qary erip aýylǵa qaraı aqqan, dep habarlaıdy Egemen.kz Talas aýdany ákimdigi taratqan aqparatqa silteme jasap.
"Aǵyn sýdyń paıda bolý sebebi, kúnniń kúrt jylyp ketýinen, sonymen qatar jaýyn-shashynnyń qatty jaýyp turýyna baılanysty boldy. Aǵyn sýdyń shamamen kólemi 30-40 metr, bıiktigi 3-4 sm. Qazirgi tańda, oblystyq mańyzy bar avtomobıl jolynyń mańynan aryq qazý arqyly Bılikól kóline sýdy burý jumystary júrgizilýde. Oqıǵa ornyna jergilikti atqarýshy organnan 15 adam, 4 jeńil tehnıka, 1 ekskavator (arnaıy tehnıka aryqtardy ashyp, sýdy tómendetý maqsatynda jumys istep jatyr) jáne aýdandyq tótenshe jaǵdaı bóliminen 6 adam, 2 tehnıka (1 nıva, jedel qutqarý tobynyń 1 ÝAZ avtokóligi) jumyldyrylyp, jumystar júrgizilýde. Aýyl arasynda kóshe aralanyp, eshqandaı úıdi sý baspaǵandyǵy anyqtaldy. Aldaǵy ýaqytta qosymsha jaǵdaı baıandalatyn bolady", - delingen habarlamada.