Dúnıejúzilik sot balaǵa qatygezdik jasaǵan novosibirlik medbıkege qatysty qylmystyq isti toqtatty, dep habarlaıdy Egemen.kz Novosibir oblysynyń prokýratýrasyna silteme jasap.
Internette eki vıdeo paıda bolǵannan keıin, tergeýshiler úsh qylmystyq is qozǵady. Tekserý nátıjesinde vıdeonyń ekeýi – qatygezdik faktisi boıynsha jáne taǵy biri − aýrýhana basshylyǵynyń nemquraıdylyq tanytqanyna baılanysty dálel retinde alynǵan.
2020 jyldyń jeltoqsanynda sot osy isti qozǵap, nátıjesinde medbıkelerdiń bireýin bir jyl kólemindegi túzeý jumystaryna jiberý jaıly úkim qabyldaǵan edi.
13 qańtarda Novosibir oblysynyń memlekettik densaýlyq saqtaý bıýdjettik mekemesindegi «Balalar týberkýlez aýrýhanasy» bóliminiń medbıkesi Natalıa Starýsevaǵa baılanysty qylmystyq is boıynsha sheshim qabyldandy.Medbıkege Reseı Federasııasynyń Qylmystyq kodeksiniń 156 baby «Kámeletke tolmaǵan balany tárbıeleý jónindegi mindetterdi oryndamaý» boıynsha aıyp taǵyldy. Sot onyń pasıentke qataldyq tanytqanyn anyqtady. Dálirek aıtsaq, medbıke 2020 jyldyń 3 qarashasynda kishkentaı balaǵa qol kótergen.
Sot taraptardyń tatýlasýyna baılanysty Starýsevaǵa qatysty qylmystyq isti toqtatty (ol qylmystyq jaýapkershilikten bosatyldy). Jarlyq zańdy kúshine engen joq. Dese de medbıke 10 myń rýbl mólsherinde moraldyq zııan úshin qarajat óteý kerek», dep habarlady prokýratýra.
Aıda Oralbek