ATR reıtıngte 49 orynda turǵan qazaqstandyq tennısshi Aleksandr Býblık Túrkııanyń Antalııa qalasynda ótip jatqan ATR týrnıriniń fınalyna joldama alǵan edi, dep habarlaıdy Egemen.kz.
Jartylaı fınaldyq saıysta jerlesimiz álemniń 72 raketkasy 33 jastaǵy Fransııanyń ókili Jeremı Shardımen kúsh synasty. 2 saǵat 5 mınýtqa sozylǵan bul básekede Aleksandrdyń asyǵy alshysynan tústi. Esep – 6:4, 6:7, 6:3. Onyń aldynda ol úsh birdeı ıtalııalyq tennısshi – Salvatore Karýzo, Trıstana Lamazına jáne Matteo Berrettınıden basym túsken edi.
Aqtyq synda Býblık ATR reıtınginde 23 orynda turǵan aýstralııalyq Aleks de Mınaýrmen sheberlik baıqasty. О́kinishke qaraı, aldaǵy oıynda alǵan jaraqaty syr berip, jerlesimiz kezdesýdi jalǵastyra almady. Jeti mınýttan keıin ol korttan ketti. Osylaısha, bas júlde jasyl qurlyqtyń ókiline buıyrdy.