О́tken aptada Kıprdiń astanasy Nıkosııa qalasynda Energetıkalyq Hartııa jónindegi Konferensııanyń 24-shi sessııasy bolyp ótti. Osy sessııada Qazaqstan 2014 jyldyń qarasha aıynda Astana qalasynda ótetin Energetıkalyq Hartııa jónindegi Konferensııanyń tóraǵasy bolyp saılandy.
О́tken aptada Kıprdiń astanasy Nıkosııa qalasynda Energetıkalyq Hartııa jónindegi Konferensııanyń 24-shi sessııasy bolyp ótti. Osy sessııada Qazaqstan 2014 jyldyń qarasha aıynda Astana qalasynda ótetin Energetıkalyq Hartııa jónindegi Konferensııanyń tóraǵasy bolyp saılandy.
Energetıkalyq Hartııa jónindegi Konferensııanyń Nıkosııada ótken 24-shi sessııasynda osy uıym tóraǵalyǵynyń jańa júıesi bekitildi. Bul júıe boıynsha endi Konferensııaǵa múshe memleketter Hartııanyń jumysyna burynǵydan da belsendi túrde qatysady. 2014 jyldan bastap árbir múshe memleket jyl saıyn kezektesip Konferensııaǵa tóraǵalyq etetin bolady. Sóıtip, 2014 jyldyń 1 qańtarynan bastap Qazaqstan Respýblıkasy Energetıkalyq Hartııa jónindegi Konferensııanyń alǵashqy tóraǵasy mindetin atqarady.
Energetıkalyq Hartııa jónindegi Konferensııa – halyqaralyq energetıkalyq sektorda quqyqtyq negizder belgileıtin Energetıkalyq Hartııa halyqaralyq uıymynyń joǵarǵy basqarý organy bolyp tabylady. Bul uıymǵa búginde Eýrazııanyń 52 memleketi múshe bolyp otyr. Qazaqstan Energetıkalyq Hartııa Kelisimshartyna 1995 jyly qosylǵan bolatyn.
2011 jyldan beri elimizdiń Munaı jáne gaz mınıstrliginiń kepildemesi boıynsha Energetıkalyq Hartııaǵa Qazaqstan tarapynan «Kazenergy» assosıasııasy kelissóz úderisterine qatysatyn ókil mindetin atqaryp keledi. Konferensııanyń 24-shi sessııasynan keıin «Kazenergy» assosıasııasy tóraǵasynyń orynbasary, budan bylaı, sonymen birge, Energetıkalyq Hartııa jónindegi Konferensııa tóraǵasynyń da orynbasary bolyp tabylatyn Janbolat Sársenov osy bir halyqaralyq bedeldi uıymǵa tuńǵysh ret Qazaqstannyń tóraǵalyq etýi asa zor bedel ekendigin atap kórsetti.
– Bizdiń elimiz Eýrazııa qurlyǵynyń naq ortalyǵynda ornalasqan. Ol osy óńirdegi energetıkalyq qaýipsizdik pen energetıkalyq turaqtylyqty saqtaýda úlken ról atqarady. Qazaqstan osy salada óziniń senimdi de tájirıbeli halyqaralyq seriktes ekendigin aıqyn dáleldedi. Osy halyqaralyq bedeldi uıymǵa tóraǵalyq etý kezeńinde Qazaqstan búkilálemdik energetıka salasynda Hartııanyń sheshýshi de belsendi uıym bolýy úshin barlyq kúsh-jigerin jumsaıdy, – dedi sessııada sóılegen sózinde Janbolat Sársenov.
Tóraǵa orynbasarynyń aıtýy boıynsha, Qazaqstan bul uıymǵa tóraǵalyq jasaǵan kezeńde energetıkalyq salaǵa jáne energetıkalyq shıkizat tasymaldaý júıesine ınvestısııa tartý máselesine basymdyq beretin bolady. Sonymen birge, aldaǵy ýaqytta 1991 jyly qabyldanǵan Energetıkalyq Hartııanyń erejelerine ózgerister engizý máselesi de jaýapty jumystardyń biri bolmaq. Sessııadan keıin Janbolat Sársenov Energetıkalyq Hartııanyń bas hatshysy Ýrban Rýsnakpen ekijaqty kezdesý ótkizdi. Onda kelesi jyly Astana qalasynda ótetin Energetıkalyq Hartııa jónindegi Konferensııanyń kezekti sessııasynda qaralatyn máseleler belgilendi. О́z kezeginde bas hatshy Qazaqstandy kelesi jyly Konferensııa tóraǵasy bolýymen quttyqtady.
Energetıkalyq Hartııa jónindegi Konferensııanyń 2014 jylǵy sessııasy Astanada ótse, 2015 jylǵy sessııa Grýzııada, 2016 jylǵy sessııa Japonııada ótedi. Qazaqstan osy halyqaralyq bedeldi uıymǵa tóraǵalyq etý kezeńinde energetıkalyq shıkizat tasymalynyń jańa tıimdi de, qaýipsiz baǵytyn qalyptastyrýǵa basymdyq beretin bolady. Bul rette energetıkalyq shıkizat tranzıtiniń jańa baǵyty – «Jańa Jibek joly» tranzıttik baǵytyna basa mańyz berilmek. Sóıtip, Qazaqstan HHI ǵasyrda joǵary qarqynmen damıtyn jańa energetıkalyq rynokta Qytaı men Eýropa arasyn jalǵastyratyn altyn kópirge aınalmaq.
Jylqybaı JAǴYPARULY,
«Egemen Qazaqstan».