Keshe Indonezııa úkimeti halyqty jappaı vaksınalaý bastalǵanyn málimdedi. Úkimet sheshimi boıynsha, vırýstan qorǵanýǵa aldymen jastar shaqyrylmaq.
Indonezııa Ońtústik Azııada koronavırýs juqtyrǵan naýqastar sany boıynsha kósh basynda. Onda 836 myńnan astam adam tirkelgen. О́lim sany 25 myńǵa jýyqtaıdy.
Úkimet habarlamasynda «Indonezııa vaksına egýde jastarǵa basymdyq beredi. Eń aldyńǵy kezekte 18 ben 59 jas aralyǵyndaǵy azamattarǵa ekpe jasalady. Azamattarymyzǵa qytaılyq Sinovac vaksınasy egiledi» dep jazylǵan. Indonezııa Densaýlyq saqtaý mınıstrliginiń ókili doktor Nadıa Ýıkeko atalǵan vaksınany tekserý áli jalǵasyp jatqanyn eskertti. «Biz 60-tan asqan azamattarǵa áserin tekserip jatyrmyz», dedi ol.
Halyq úkimet qaýlysymen kelisip otyr. Olardyń aıtýynsha, egde jastaǵy azamattar syrtqa sırek shyǵady. Sondyqtan olardyń vırýs juqtyrý qaýpi tómen.
Buǵan deıin habarlanǵandaı, álem elderinde vaksınalaý bastalyp ketti. Egde jastaǵy azamattarǵa da vaksına synaldy. Kanadada 89 jastaǵy qarııaǵa egilse, Germanııada 101 jastaǵy aqsaqalǵa vaksına salyndy.