Fýtzaldan ÝEFA Chempıondary lıgasy qarsańynda Almatynyń «Qaırat» klýbynyń qatary taǵy bir myqty oıynshymen tolyqty. Ol – Fransısko Ýmberto de Araýjo Alves.
Bul esimi jergilikti jankúıerlerge jaqsy tanys. 34 jastaǵy Brazılııanyń San-Paýlý qalasynyń týmasy sporttyq karerasynyń alǵashqy kezeńin óz elinde ótkizgeni belgili. 2011 jyly Reseıge qonys aýdaryp, Novosibirdiń «Sıbırıak» klýbynda oınady. Ol jaqta Ýmberto jasyndaı jarqyrady. Arada biraz ýaqyt ótkennen keıin Qazaqstanǵa keldi. 2014-2016 jyldar aralyǵynda «Qaırattyń» namysyn qorǵady. Bizdiń elde de brazılııalyq legıoner ózin jaqsy qyrynan kórsetip, 2015 jyly almatylyqtardyń ÝEFA Chempıondar lıgasynyń jeńimpazy atanýyna súbeli úles qosty.
Keıinnen Ýmberto Ispanııanyń «Inter-Movıstar», Reseıdiń «Sıbırıak», Brazılııanyń «San Kaetano», «Jaragýa», «Joınvılı» jáne Fransııanyń ACCS Futsal klýbtarynda oınady. Mine, endi araǵa bes jyl salyp ataqty shabýylshy Qazaqstanǵa oralyp, qaıta «Qaırattyń» jeıdesin kıdi.